HeySoNuts

Open Now

Now Closed

又係開心果💚 土瓜灣人氣Cafe😍 甜品出名之外，食物質素都唔錯，平日午市套餐會更抵食！環境餐牌 手打雞肉漢堡配薯條 $138 手打牛肉食得多，手打雞肉真係少有啲，有煙韌外層裹住免治雞肉，口感彈牙，最特別係佢個醬！係帶微辣嘅千島醬咁，有啲似題拉差醬但又唔係純辣，好惹味😻 香草醬烤焗羊膝配法式燉菜及乳酪 $328 羊膝雖然價錢唔算平，但係2人份量，加上真係好大隻🫣 平時食羊配Mint Jelly，呢到就將其改良變成加入香草嘅乳酪醬，另一款就係本身醃羊膝所用嘅香草Mustard ，沾乳酪好搭，頓時Balance油膩感有清新感覺，羊膝羊羶味輕之餘，肉質柔軟而肉味濃郁，配上大量瓜類配菜，小店都做到西餐水準👍🏻 開心果茉莉花醬日式梳乎厘班㦸 $104 唔少得招牌甜品🥞，揀咗呢排爆紅嘅開心果味梳乎厘班㦸，配以茉莉茶醬，蛋香有，口感較濕，鬆軟啲會更好。 Pour Over 每款不同價錢是日Pour Over☕️ 揀咗酸度較低嘅巴拿馬產豆，附上兩種杯，窄身杯可突出甜感，而闊身杯就會突出茶感及酸度，按個人喜好享用。