Video
Read full review
2014-02-15
5376 views
大時大節少不免要花些少錢去慶祝。本來呢D開心錢只要花得起同埋食得開心一D問題都冇，只不過當晚既所見所聞真係令我眼界大開！是晚book左食2nd round 8.30pm果場，雖然已經早左十五分鐘，但人已經開始多，到差唔多八點半既時候人龍更加弦綿大半條街，非常壯觀！雖然係咁，門口果位侍應姐姐依然歎慢版，放人入去既速度慢過乜咁，好彩因為我地早到既關係，唔夠五分鐘已經喺個位到坐底。一入到去已經心知不妙，因為重有成1/3上半場既人都重未食完，甚至有D既main course重係啱啱先到添，連累到好多情侶要喺寒風同問候聲中喺條街等呀等！如是者，一直齋坐咗差唔多半個鐘頭，等大部份人都有位坐低之後終於有水飲，而之後一直都無人show過我同埋附近幾枱既人，直至隔離枱既師姐發晒脾氣咁佢地先終於上頭盤。香煎登杰萊斯蟹餅伴大蝦配香草忌廉汁︰整體尚算唔錯，雖然一食已經食得出係一早整定既殘廢餐，但係蟹餅表面都算鬆化，蟹肉亦都口感唔錯。而大蝦肉質就相對失色，一口就食得出一D都唔新鮮，只係用甜都乜咁既忌廉汁去遮蓋食物質素既不足。煙三文魚田園沙律︰Overall質素一般，無乜難度可言，唯一要讚既係煙三文魚既取材尚算唔
一入到去已經心知不妙，因為重有成1/3上半場既人都重未食完，甚至有D既main course重係啱啱先到添，連累到好多情侶要喺寒風同問候聲中喺條街等呀等！如是者，一直齋坐咗差唔多半個鐘頭，等大部份人都有位坐低之後終於有水飲，而之後一直都無人show過我同埋附近幾枱既人，直至隔離枱既師姐發晒脾氣咁佢地先終於上頭盤。
香煎登杰萊斯蟹餅伴大蝦配香草忌廉汁︰整體尚算唔錯，雖然一食已經食得出係一早整定既殘廢餐，但係蟹餅表面都算鬆化，蟹肉亦都口感唔錯。而大蝦肉質就相對失色，一口就食得出一D都唔新鮮，只係用甜都乜咁既忌廉汁去遮蓋食物質素既不足。
煙三文魚田園沙律︰Overall質素一般，無乜難度可言，唯一要讚既係煙三文魚既取材尚算唔錯，絕對唔似係超級市場既下價貨。
黑松露野菌忌廉湯︰非常麻麻，成碗湯的咁多配料都搵唔到，老實講Marks & Spencer既罐頭湯一定俾佢好飲。而湯上面既bread stick亦都淡而無味，咬左半條已經忍唔住要吐出黎！
如是者又等了又等，大約20分鐘後主菜終於黎到，點知原來呢個先係成晚恐怖經歷既開始！紅酒鵝肝配美國安格斯牛柳︰因為實在太太太肚餓同埋等得太耐，一上碟已經忍唔住要食啖鵝肝，點知「X街凍既」，有冇搞錯！諗住再切舊牛扒試吓，一切落去見到重有少少血水，睇黎真係做到5成熟。正當我諗住食落口既時候，我發覺有D唔對路，「點解成碟野乜野煙都冇」？果然，第一口咬落去只係食得出有D微溫，想必係舊扒喺廚房擺得太太太太太太耐既緣故。之後諗住試下D配菜，again，無論西蘭花、車厘茄等等全部都係凍既！正當我要切第二舊冰凍既牛扒放入口之際，我真係忍唔住要爆喇，問個侍應究竟發生緊乜野事！那位矇豬眼既四眼肥仔侍應只係冷冷的拋下一句「咁你想點」？喺凍既5成熟同熱既20成熟之下，我掙扎咗30秒先屈服俾佢拎去「處理」(我get到即係reheat既意思)。
過左幾分鐘之後，「加工左」既製成品終於返黎喇。一如所料，本來5成熟冰凍牛扒已經變成20成熟，老麥個飽裏面塊免治牛肉，最激氣既係碟野竟然只係得微溫，唔通佢地個微波爐唔夠力或者佢個「High」function setting壞左？ Anyway，喺沒有辦法之下，我只好硬着頭皮，大啖大啖咁夾硬吞落肚算數。
New York Cheese Cake︰好好彩，食到最尾終於有D正常D既野食。整體質素十分正常，雖然冇乜驚喜但係總算冇乜「驚嚇」。坦白講，食到呢個moment已經無慾無求，只希望比D正正常常既野我食落肚已經心滿意足。
餐飲方面，老實講我覺得連屋企樓下、街口間茶記既質素都不如。咁既餐廳，喺Valentine's Day收我兩位$1199重要加一，居然俾杯咁既野我飲真係覺得離晒譜！我唔係要杯靚紅酒，但at least你都唔好求其到咁啦大佬！走既時候我問返個staff (即係門口帶位果個亞姐)，佢話因為今晚廚房只係得4個人所以搞到一鑊粥。老實講，呢個完全唔係理由既理由我相信冇一個客會接受。單你就識起勢咁接，但野你就交唔足貨，如我隔離枱既人所講「真係食Spaghetti Hoxse好過」。還好我的另一半相當體諒，甚至有D同情果D完全唔知發生乜野事既staff，但如果有D唔好彩既師兄，帶左新相識既女朋友黎呢度，一心諗住食個浪漫大餐的話肯定鬧分手都似！
希望餐廳可以認真咁反省下，「無咁大個頭就唔好戴咁大頂帽」，明明廚房無咁既料去serve咁多客，但偏要充大頭鬼。結果無錯當然可以賺到盤滿鉢滿，但咁做唔單只浪費大好既食材(那塊凍扒絕對食得出係中上價貨)之餘更加令一眾師兄師姐判你死刑，「永不錄用」，何必呢？
Post
