蠔埕

Open Now

Now Closed

一早預定了A5黑毛和牛生蠔宴套餐諗住同朋友慶祝生日，前菜薯仔沙律已經咸到傻，食咗一啖就冇食。和牛刺身冇溶晒雪就攞出黎，亦唔肥美，串燒係燒雞翼同雞肉粒，街邊嘅串燒好食過佢10倍。個燒飯團燒得太耐好乾。個生蠔望落幾靚但完全冇蠔味，仲有少少腥味。我朋友好鍾意食蠔但真係太失望，所以就算任食蠔都冇refill。火鍋個湯底又係咸，搞到個烏冬咸到食唔到。我地唯有refill 炸物頂肚，不過啲炸物都只係出面放題級數。食日本野諗住靜靜地又開到啲音樂勁大聲，同店員反映完較左細聲，之後佢又較番大聲。成餐兩個人連加一要$1400，食材，服務全部都唔得。我失望到第一次寫食評，好似跌咗錢落咸水海咁。超級失望。