Video
Read full review
2015-10-30
1296 views
今年八月喺元朗三聯書店打書釘，見倒一本書叫香港名牌小吃-作者：馮嘉橋及鄺芷凡，內面介紹左一啲元朗小食同小店，馮生話覺得以下麵店比一啲元朗名牌更有水準。鄭洪記 - 一間早上做粉麵生意，晚上做小炒嘅大排檔，聽閒扎根元朗超過三十多年，曾經同老媽子幫趁過一兩次，印像中出品唔錯，今日特登嚟叫碗麵食，寫下佢。大排檔中，佢地環境非常一般，冇冷氣，但檔主都裝左幾部大牛角扇，唔算熱，坦白講我真係好喜歡呢啲風味環境！賣相幾唔錯嘅魚蛋雲呑牛腩麵，三個餸合共HK$35魚蛋外型較細粒，爽口彈牙唔腥，用料好！聽講佢地自家製嘅，屬上品！牛腩好焾滑，柱侯醬味入哂肉，最值得讚嘅係佢地唔係用急凍牛肋條嚟炆，佢地係用左新鮮牛腩碎，好多年輕人連牛腩碎係乜都未知，喺度順便解釋下比大家知道，牛肉檔會將牛隻每一部份裁好，牛腩、牛𦟌、牛柳等等不同部位掛好出售，裁牛肉嘅時間會將一啲唔好睇嘅筋膜，同埋接連不同肌肉嘅軟組織切出，混雜不同不部份，有脂肪、肉、筋膜、筋甚致一啲皮及毛髮，以前屬於非常下價貨式，大概係牛腩嘅六至七份一價錢，依家因為牛價高昂，腩碎大概零售價都要成三十幾四十蚊斤，炆之前仲要裁走啲過多嘅脂肪呀，皮同埋毛髮咁，實則落鑊果陣
今年八月喺元朗三聯書店打書釘，見倒一本書叫香港名牌小吃-作者：馮嘉橋及鄺芷凡，內面介紹左一啲元朗小食同小店，馮生話覺得以下麵店比一啲元朗名牌更有水準。鄭洪記 - 一間早上做粉麵生意，晚上做小炒嘅大排檔，聽閒扎根元朗超過三十多年，曾經同老媽子幫趁過一兩次，印像中出品唔錯，今日特登嚟叫碗麵食，寫下佢。
大排檔中，佢地環境非常一般，冇冷氣，但檔主都裝左幾部大牛角扇，唔算熱，坦白講我真係好喜歡呢啲風味環境！
賣相幾唔錯嘅魚蛋雲呑牛腩麵，三個餸合共HK$35
魚蛋雲呑牛腩麵
$35
96 views
1 likes
0 comments
牛腩好焾滑，柱侯醬味入哂肉，最值得讚嘅係佢地唔係用急凍牛肋條嚟炆，佢地係用左新鮮牛腩碎，好多年輕人連牛腩碎係乜都未知，喺度順便解釋下比大家知道，牛肉檔會將牛隻每一部份裁好，牛腩、牛𦟌、牛柳等等不同部位掛好出售，裁牛肉嘅時間會將一啲唔好睇嘅筋膜，同埋接連不同肌肉嘅軟組織切出，混雜不同不部份，有脂肪、肉、筋膜、筋甚致一啲皮及毛髮，以前屬於非常下價貨式，大概係牛腩嘅六至七份一價錢，依家因為牛價高昂，腩碎大概零售價都要成三十幾四十蚊斤，炆之前仲要裁走啲過多嘅脂肪呀，皮同埋毛髮咁，實則落鑊果陣得番八成左右，維到成五十蚊斤咁滯，貴雪藏"鞋烚烚"果啲鬼佬牛肋條(牛胸) 成倍咁滯。佢地嘅牛腩碎處理得好好，唔會夾雜太多脂肪，裁得好靚，差唔多每一小塊都係有肉同焾滑嘅筋，口感其實同豬肉嘅眼筋相若，非常焾滑，佢地做嘅牛腩，總對攞倒我嘅滿分！
講雲呑，賣相正宗金魚尾，但餡就除左虾、豬肉、大地魚粉外重加埋木耳，大概比例係四三三，味道好正，蝦好爽，大地魚味好夠，多加嘅木耳亦增加左饀料嘅爽口感覺，雖然饀料唔算正統，但絶對可口！
73 views
0 likes
0 comments
麵，彈牙！硯水味亦輕，唔覺有太多蛋香，但味道已經比某啲所謂傳統名牌麵家出色，相信亦都係同麵廠訂制嘅好貨。
至於湯方面，由於加左腩汁，唔能夠清晰評價清湯湯底嘅質素同用料，只可以講腩汁湯帶有強烈的炆牛腩嘅香料味，飲完亦唔覺口乾，味精唔多。結論:咁高質素嘅麵家 ，希望大家以後要幫趁多啲!
Post
