Tapa Room (宏利廣場)

Open Now

Now Closed

牛頭角商貿區要搵個環境舒適嘅地方食午餐都唔算係易事。今日我就搵到Tapa Room，本身係銅鑼灣有分店。我地一人一個人午市套餐。首先餐湯係南瓜雞湯，南瓜味濃，入口唔少南瓜粒，食得出係用咗唔少南瓜去打，配上雞湯既鮮味，份量唔多唔少，開胃暖胃一流。小食方面朋友叫左棒棒鵝肝，上枱個造型好得意，值得打卡。鵝肝掐成一粒丸子咁，一啖一粒，size剛剛好，唔會太膩，鵝肝入口慢慢溶係個嘴度，又香又滑，非常滿足🤤！我就叫左八爪魚，加啲酸酸甜甜嘅醬，帶少辣嘅醬。好有咬口得黎又爽口，唔錯。主菜係美國Prime肉眼牛扒伴粉紅胡椒忌廉汁配煎薄薯餅（$198），今次揀咗medium，上枱嗰陣已經切開咗一件件，即食就可以。肉質非常嫩，油香脂滑，配埋個汁更加鮮味。配底嘅薄薯餅雖然已經有牛肉同埋汁喺上邊，但仲食得出少少微焦脆口既感覺，煎得好香，個人覺得同個汁好配。另一份揀左Paella即西班牙海鮮炒飯。比較鹹，蝦就幾大隻不過有啲黏殼。青口又有少少沙，整體有待改善。飲品我地都揀左Virgin Sangria即無酒精版嘅水果酒。味道清爽嘅，偏向西柚蘇打🤣。