大利咖啡店

Open Now

Now Closed

今天於灣仔政府街市上的大利咖啡店食午餐，它出名的咖哩雞，牛腩飯已遠近馳名。但因近期我食得比較肥膩，所以想食麵! 就點了牛腩麵! 加可樂都係加3蚊! 算抵食! 出餐都一如以往，比較快! 首先第一時間送嚟的可樂是高身罐裝，比想像中好。之後牛腩麵嚟到有驚喜，竟然係公仔麵底! 真想知到，佢點知我想食公仔麵! 而且麵的軟硬度適中! 牛腩之中又有有一兩舊牛筋，牛腩和牛筋都又淋又軟熟，重好入味! 真係好好味! 而那公仔麵更索滿腩汁! 十分高水準! 份量也相當足夠。一個滿足的午餐!