Video
Read full review
2008-11-15
7 views
早一排難得好友食家"乜都放入窿"喺銅鑼灣放蛇, 於是師傅又約佢去老蘭逛一逛, 咁去蒲之前點都要醫飽個肚得架, 所以又要靠好友食家"乜都放入窿"帶路; 真係估佢唔到, 竟然帶師傅由中區行到上半山區, 真係身水身汗呀, 不過為左食好野, 辛苦少少都冇所謂啦!終於黎到呢間食店, 坦白講師傅真係唔知呢道有間食店, 就算知都唔會特登黎啦; 坐底後就即刻睇下有咩好食, 商量一陣後就柯打左山東手撕雞, 生煎鍋貼, 山東大包, 香樁皮蛋伴豆腐, 細嘅酸辣湯同埋羊肉水餃!唔使一陣d野食好快登場, 唔理咁多師傅第一時間試下個酸辣湯, 唔知點解師傅呢期都幾鍾意飲酸辣湯, 而呢度嘅酸辣湯味道一般, 唔夠酸唔夠辣, 如果可以重手d就仲好味; 山東手撕雞嘅肉身夠鬆夠滑, 加上冇骨, 一流; 生煎鍋貼一客有五隻, 煎得香香脆脆, 而餡料又唔乾身, 真係幾好味; 山東大包又係估唔到咁得喎, 包身軟熟非常, 係真係好軟熟, 而個餡亦清清地, 好好味; 香樁皮蛋伴豆腐嘅豆腐細細粒粒, 加上都幾滑身, 而皮蛋就冇咩特別, 不過食然好味; 最後羊肉水餃亦係唔錯, 羊肉水餃一碗十隻, 湯底清甜, 皮算幾薄加上羊肉香酥, 確實一
終於黎到呢間食店, 坦白講師傅真係唔知呢道有間食店, 就算知都唔會特登黎啦; 坐底後就即刻睇下有咩好食, 商量一陣後就柯打左山東手撕雞, 生煎鍋貼, 山東大包, 香樁皮蛋伴豆腐, 細嘅酸辣湯同埋羊肉水餃!
唔使一陣d野食好快登場, 唔理咁多師傅第一時間試下個酸辣湯, 唔知點解師傅呢期都幾鍾意飲酸辣湯, 而呢度嘅酸辣湯味道一般, 唔夠酸唔夠辣, 如果可以重手d就仲好味; 山東手撕雞嘅肉身夠鬆夠滑, 加上冇骨, 一流; 生煎鍋貼一客有五隻, 煎得香香脆脆, 而餡料又唔乾身, 真係幾好味; 山東大包又係估唔到咁得喎, 包身軟熟非常, 係真係好軟熟, 而個餡亦清清地, 好好味; 香樁皮蛋伴豆腐嘅豆腐細細粒粒, 加上都幾滑身, 而皮蛋就冇咩特別, 不過食然好味; 最後羊肉水餃亦係唔錯, 羊肉水餃一碗十隻, 湯底清甜, 皮算幾薄加上羊肉香酥, 確實一流, 但如果唔鍾意食蔥, 就未必鍾意, 所以師傅都係一般啫!
總括黎講食物質素真係不俗, 環境算係懷舊老店, 服務都幾好, 而價錢一d都唔貴, 兩個人埋單唔使舊半, 都算抵食; 次次同好友食家"乜都放入窿"食飯梗會試到好野, 完全係一種享受, 雖然行到身水身汗, 黎到半山呢間食店, 依然覺得物有所值; 希望好友食家"乜都放入窿"會快d執筆啦, 同大家一齊分享下食經; 呢間食店絕對係值得一試, 不過再黎機會真係唔大, 因為唔就腳, 但笑臉值得一比!
Post
