Video
Read full review
2024-09-29
2685 views
《湊湊火鍋‧茶憩 - 旺角家樂坊》天氣涼番少少， 係時候去打邊爐啦， 旺角特色既火鍋店有好多，但如果要講高質素d 既就一定要講湊湊火鍋啦， 餐廳係做高質素既台式火鍋，店舖既裝修、食材同飲品方面都比坊間既有水準，以為咁樣食一餐會好貴?而家晚市既指定菜式都有做半價或套餐優惠， 我地去果日象拔蚌就做緊半價， 只需$178一份， 份量十足當日我係同位舊同事食飯，我哋要咗鴛鴦鍋，昆布湯拼招牌麻辣鍋，之後仲叫左好幾款海觧、鮮肉等食品， 個人覺得餐廳呢度既海鮮大部份既質素好高，我地叫左個華麗海鮮拼盤乜都有的，所有海鮮都食得出好鮮同埋彈牙，我十分推介的👍🏻另外我哋一坐低，店員就送上一壺熱嘅雙柚愛玉茉香茶，淨係聞都已經好香茉莉花味，我個人覺得解辣有啲幫助💁🏻♀️華麗海鮮拼盤個海鮮拼盤入邊有鮑魚、鱔片、生蝦、帶子同埋花甲，係兩個人嘅份量，我就覺得海鮮本身新鮮嘅話配返清湯就最適合不過，所以我哋淥海鮮嘅時候主要都係用返昆布湯，鱔片切得薄身容易咬，食落肥美有油脂，而鮑魚同帶子嘅口感都係偏向彈牙，我諗6分鐘左右就已經食得，咁多樣嘢入面其實我最鍾意係個花甲，直落冇沙，而且好鮮甜，所以之後我都再encore咗一份💁🏻
天氣涼番少少， 係時候去打邊爐啦， 旺角特色既火鍋店有好多，但如果要講高質素d 既就一定要講湊湊火鍋啦， 餐廳係做高質素既台式火鍋，店舖既裝修、食材同飲品方面都比坊間既有水準，以為咁樣食一餐會好貴?而家晚市既指定菜式都有做半價或套餐優惠， 我地去果日象拔蚌就做緊半價， 只需$178一份， 份量十足
當日我係同位舊同事食飯，我哋要咗鴛鴦鍋，昆布湯拼招牌麻辣鍋，之後仲叫左好幾款海觧、鮮肉等食品， 個人覺得餐廳呢度既海鮮大部份既質素好高，我地叫左個華麗海鮮拼盤乜都有的，所有海鮮都食得出好鮮同埋彈牙，我十分推介的👍🏻另外我哋一坐低，店員就送上一壺熱嘅雙柚愛玉茉香茶，淨係聞都已經好香茉莉花味，我個人覺得解辣有啲幫助
💁🏻♀️華麗海鮮拼盤
個海鮮拼盤入邊有鮑魚、鱔片、生蝦、帶子同埋花甲，係兩個人嘅份量，我就覺得海鮮本身新鮮嘅話配返清湯就最適合不過，所以我哋淥海鮮嘅時候主要都係用返昆布湯，鱔片切得薄身容易咬，食落肥美有油脂，而鮑魚同帶子嘅口感都係偏向彈牙，我諗6分鐘左右就已經食得，咁多樣嘢入面其實我最鍾意係個花甲，直落冇沙，而且好鮮甜，所以之後我都再encore咗一份
💁🏻♀️貓爪蝦滑
睇個Menu嘅時候見佢造型咁可愛，我哋都叫咗一份蝦滑嚟試吓，佢嘅口感龍蝦丸咁比較彈牙，裏面食到有蝦嘅肉粒，一份有六件，用嚟打卡一流
💁🏻♀️新鮮白鱔片
其實海鮮拼盤入面都已經有白鱔片，但係我哋覺得無論辣湯定係昆布湯煮都幾好食，所以之後叫多咗一份，第二份個感覺更加肥美有肉地，食落有啲彈牙同埋好香魚肉味，推介👍🏻
💁🏻♀️美國牛肩胛肉
今次揀嘅牛肩胛肉都算幾肥美，睇得到佢有均勻嘅油花，但係又不失肉味，同埋咁多肉入邊呢一款性價比最高，$158一客都幾大份，兩個人夠曬食
💁🏻♀️毛肚
毛肚食落都算新鮮爽口，佢係用左無經漂染既黑柏葉，食落無血腥味同埋唔韌唔癡牙，喜歡爽脆口感的話會喜歡的
💁🏻♀️皇帝菜
平時好少打邊爐食到皇帝菜，呢度會將菜葉同莖切開，我朋友話莖既部份好鮮嫩幾好食
💁🏻♀️雙柚愛玉茉莉冰沙
呢一個冰沙我見每一枱都會有的，應該係餐廳送俾惠顧嘅食客的，由於打邊爐實會食到熱辣辣，飲番杯冰沙解熱解辣都適合不過
💁🏻♀️大紅袍珍珠奶茶
另外不得不提佢哋呢度嘅大紅袍珍珠奶茶真係好好飲，飲落好香茶味，個奶味唔會蓋過咗茶香，唯一嘅不足係啲珍珠唔夠煙靭，我個人覺得叫少甜個味道剛剛好
Post
