Video
Read full review
2020-07-07
882 views
成個下晝係旺角行街，行到夜晚超級肚餓！經過白布街既時候 見到「為食仔」一個好生動既招牌！「無上限 怒食！卜卜蜆」諗都唔諗即刻行入去食！ 湯底方面，由於我同朋友都唔食得辣，所以就揀咗完味既卜卜蜆，無去試18禁既湯，不過食得辣既朋友就可以試下，仲有分四隻辣度，迎合不同辣友既所需要！咁一開始就係食晒啲蜆先，等幾分鐘就有得食，啲蜆肉勁鮮甜，就算唔點醬料已經好鮮味！食左第一隻已經停唔到手！最重要既係咁多蜆肉竟然係得一兩隻有少少沙，算係唔錯既水準。食完啲蜆之後就叫下其他野食，由於我地只係得兩個人食，所以份量都唔係話好多，我地就order左一碟細碟既安格斯牛肉片同埋黑豚肉片。兩碟肉類都好有光澤，食落去都唔會好韌，都有好重既牛肉味，所以好快都清晒啲肉類。之後仲有order其他既材料，例如蔬菜類既粟米、生菜同埋薯仔片，全部都好新鮮，價錢都尚算合理，同埋啲肉類一齊食就最好！好多丸類都好想食，最後叫左手打墨魚丸，咬落口超彈牙，入面仲有少量鹹蛋黃，同墨魚肉夾得唔錯。 飲品方面都有好多種類既選擇，除左汽水之外，我哋仲叫左一啲比較清淡既野飲，例如椰子水同埋柑咭檸檬，黎解除下一啲來自肉類既肥膩感。炸魚片本身係一個佐
湯底方面，由於我同朋友都唔食得辣，所以就揀咗完味既卜卜蜆，無去試18禁既湯，不過食得辣既朋友就可以試下，仲有分四隻辣度，迎合不同辣友既所需要！咁一開始就係食晒啲蜆先，等幾分鐘就有得食，啲蜆肉勁鮮甜，就算唔點醬料已經好鮮味！食左第一隻已經停唔到手！最重要既係咁多蜆肉竟然係得一兩隻有少少沙，算係唔錯既水準。
食完啲蜆之後就叫下其他野食，由於我地只係得兩個人食，所以份量都唔係話好多，我地就order左一碟細碟既安格斯牛肉片同埋黑豚肉片。兩碟肉類都好有光澤，食落去都唔會好韌，都有好重既牛肉味，所以好快都清晒啲肉類。
之後仲有order其他既材料，例如蔬菜類既粟米、生菜同埋薯仔片，全部都好新鮮，價錢都尚算合理，同埋啲肉類一齊食就最好！好多丸類都好想食，最後叫左手打墨魚丸，咬落口超彈牙，入面仲有少量鹹蛋黃，同墨魚肉夾得唔錯。
飲品方面都有好多種類既選擇，除左汽水之外，我哋仲叫左一啲比較清淡既野飲，例如椰子水同埋柑咭檸檬，黎解除下一啲來自肉類既肥膩感。炸魚片本身係一個佐酒小食，但係我地無叫酒，所以當埋係一個火鍋食材。
Post
