Video
Read full review
2006-12-16
35 views
想搵呢間鹵水店唔多需要記得地址,只要見到長長人龍同濃郁鹵水香味就知道店舖所在;星期日呢度真係好熱鬧,好多本地團團友買完老婆餅都黎呢度排下隊。鹵水鵝:鵝肉厚但入味,肉質唔靭而且唔太肥;雞腳:size夠大有肉,趙得好高興;豆腐:質感好孩,質的的唔好食;豬耳:軟硬適中,唔會太淋或太硬,口感煙煙靭靭,而且刮得乾淨無毛毛;雞蛋:又係實的的貨色,可以無咁熟就好好多;豬腸:以腸套腸方法處理,好特別!!所以食落口感好正,某d部份會帶少少肥,所以味道會較甘香。總括黎講呢度鹵水食品都算有質素,只係豆腐同蛋比較失色,而且鹵食物期間飄出個種甜香,真係好難抗拒!!另外附帶個包蒜醋幾好味,甜甜酸酸,不過怕左食完之後個種怪味,都係少點為妙!服務方面,大人話企檔師傅態度ok,只係收錢阿姐比較利害,叫佢比多包汁都唔多願意。
鹵水鵝:鵝肉厚但入味,肉質唔靭而且唔太肥;
雞腳:size夠大有肉,趙得好高興;
豆腐:質感好孩,質的的唔好食;
豬耳:軟硬適中,唔會太淋或太硬,口感煙煙靭靭,而且刮得乾淨無毛毛;
雞蛋:又係實的的貨色,可以無咁熟就好好多;
豬腸:以腸套腸方法處理,好特別!!所以食落口感好正,某d部份會帶少少肥,所以味道會較甘香。
總括黎講呢度鹵水食品都算有質素,只係豆腐同蛋比較失色,而且鹵食物期間飄出個種甜香,真係好難抗拒!!另外附帶個包蒜醋幾好味,甜甜酸酸,不過怕左食完之後個種怪味,都係少點為妙!
服務方面,大人話企檔師傅態度ok,只係收錢阿姐比較利害,叫佢比多包汁都唔多願意。
Post
