德發牛雜粉麵

Open Now

Now Closed

今日中午嚟呢度食個牛三寶米線，有牛腩、牛筋同牛肚。牛腩：腍得嚟唔會黐牙，又有肉嘅鮮味；牛筋：腍得嚟爽口，滑得嚟有咬口；牛肚：同樣都係用金錢肚，呢度腍得嚟爽口，實食無黐牙；米線：同其他店舖一樣，無咩特別。地方又清潔乾淨，人客食完，立即收拾及清潔。唯一要挑剔係出餐時間比較慢，要等成10分鐘先至出到碗米線，但其間我睇到個廚房只係出過一碗嘢咁大把。無比較就無傷害，要比當然係同旺角人氣小店承傳清湯腩比啦！今次我叫呢樣三樣食材，味道都完勝承傳，價錢更平一半都唔只，當然，承傳嘅食材份量多啲，但多係無用㗎，要好食先至得，今次我畀呢碗米線100分，屋邨食店，其實都可以係卧虎藏龍，都可以非常美味，但問題只係你是否遇上，而呢間小店，絕對好食同抵食。