Maikhana

Open Now

Now Closed

Maikhana係尖沙咀一間新開嘅印度酒吧餐廳，行過見倒佢紅磚牆配花磚好有印度風情就入去試下。Makihana除左常見嘅咖哩、烤肉同印度薄餅之外，佢仲有印式漢堡同pizza供應，因為始終係間酒吧，所以酒類興選擇都好多，生啤、雞尾酒、多款烈酒都有。Chicken Tikka($138) - 哩款烤雞就咁食已經辣辣地幾惹味，雞肉唔會太乾或者太油，食時可以蘸埋薄荷醬食，令味道更豐富。Margherita($118) - 薄餅直徑大約11吋，雖然上面只有簡單嘅番茄醬同芝士，但薄餅口感鬆軟，芝士半融有拉絲，加埋微酸嘅茄醬已經好好食。Indian Masala Tea($45) - 最後黎拉熱辣嘅印度拉茶，好重香草味，非常滿足。總結，野食整體唔錯， 選擇亦算多，環境比好多印度餐廳乾淨企理，食厭左西餐非常值得一試。