塩館 (Closed)

前排發現咗炮台山附近呢間居酒屋幾正，入到去個氣氛唔錯，個老闆亦會主動同D客人傾下計，今次小弟首次嚟到，整體食物都幾好，值得再去。前菜係芥末八爪魚，都幾開胃!小食點咗個極品小籠包，好有新鮮感，第一次晌居酒屋食到呢D野。小籠包可以揀蟹或蝦味，小弟就簡咗個蝦，個小籠包皮唔太厚身，入面藏有好多蝦肉。呢到主要係供應拉麵，點咗碗巨輪叉燒拉麵，係用豬骨湯做，豬骨湯帶少少鹹好惹味，不過拉麵就好似太過腍，講到最好食係舊叉燒，大大舊又厚身，啖啖肉呀。比較鍾意係燒物，燒冬菇一D都唔太乾身，食落裡面仲有D汁，即燒即食，幾好味；個牛舌好味到簡直無得頂，特別係老闆親自燒，火喉岩岩好，一D韌的感覺都冇，食落仲好爽口。仲叫咗杯青森縣蘋果汁，初初以為好似汽水咁，原來唔係，味道又唔會太甜，口感挺身，用嚟送燒物唔錯。