Video
Read full review
2017-08-07
894 views
今晚賴生同屈小姐約左班弟兄姊妹係聚會後玩滴滴仔，係開戰之前，最重要梗係⋯「三軍未動，糧草先行」⋯醫肚先最緊要！今次由弟兄介紹帶我地黎到呢間傳聞中「平、靚、正」既餐廳，原來係主打點心嫁！係我地未到之前，已經打左電話去落定Order，因為即叫即蒸，要等十幾分鐘先有得食嫁，咁樣我地就可以一去到就有野食！由於今次係同大家食飯既關係，我地冇影到相！不過食物質素的確幾好嫁，D茶水仲好熱添!! 但係呢.....愈食愈熱，汗都出晒，冷氣唔夠呢!1) 脆皮鮮蝦腸 : 4.5⭐️春風得意腸D朋友，佢用鮮蝦炸起再包腸粉皮，所以都真係幾脆，同埋個蝦肉都大條同彈牙，唔錯唔錯~~!!2) 鮮蝦餃 : 4.5⭐️1客4粒，每粒都好飽滿，皮夠晒薄，D蝦都好彈牙入味!3) 上湯鮮竹卷: 5⭐️幾特別既鮮竹卷喎，佢除左鮮竹卷之外，仲有大大件魚肚浸住，索晒湯既味，勁正!! 而鮮竹卷又係用蝦肉，彈牙得黎又冇咁肥! GOOD!4) 棉花雞: 4⭐️都幾多棉花(魚肚下)，D雞都醃得好入味，不過雞反而得2舊，唔太夠5) 叉燒包:4.5⭐️每粒叉燒包都蒸到勁熱，好鬆軟，叉燒餡亦夠晒豐富，啖啖有濃郁叉燒味，唔會太咸/無味!!6) 鳳爪排骨飯:
今次由弟兄介紹帶我地黎到呢間傳聞中「平、靚、正」既餐廳，原來係主打點心嫁！係我地未到之前，已經打左電話去落定Order，因為即叫即蒸，要等十幾分鐘先有得食嫁，咁樣我地就可以一去到就有野食！
由於今次係同大家食飯既關係，我地冇影到相！不過食物質素的確幾好嫁，D茶水仲好熱添!! 但係呢.....愈食愈熱，汗都出晒，冷氣唔夠呢!
1) 脆皮鮮蝦腸 : 4.5⭐️
春風得意腸D朋友，佢用鮮蝦炸起再包腸粉皮，所以都真係幾脆，同埋個蝦肉都大條同彈牙，唔錯唔錯~~!!
2) 鮮蝦餃 : 4.5⭐️
1客4粒，每粒都好飽滿，皮夠晒薄，D蝦都好彈牙入味!
3) 上湯鮮竹卷: 5⭐️
幾特別既鮮竹卷喎，佢除左鮮竹卷之外，仲有大大件魚肚浸住，索晒湯既味，勁正!! 而鮮竹卷又係用蝦肉，彈牙得黎又冇咁肥! GOOD!
4) 棉花雞: 4⭐️
都幾多棉花(魚肚下)，D雞都醃得好入味，不過雞反而得2舊，唔太夠
5) 叉燒包:4.5⭐️
每粒叉燒包都蒸到勁熱，好鬆軟，叉燒餡亦夠晒豐富，啖啖有濃郁叉燒味，唔會太咸/無味!!
6) 鳳爪排骨飯: 4⭐️
正常既排骨飯啦~~份量都夠!飯都吸到排骨同鳳爪既肉汁，最欣賞佢有2-3條新鮮菜心!
7) 三絲炒米粉:4.5⭐️
初頭望埋去好似一PAT PAT咁，但其實佢炒得好乾身，分得開一絲絲，米粉仲勁幼，炒得好甜好好食添!
8) 糯米雞:4.5⭐️
超級大隻，成隻雞都包滿肉碎，啖啖都食到，所以好夠味，而且荷葉既香味蒸左落糯米度，糯米又蒸得夠淋!! GOOD!
9) 菜苗餃: 4⭐️
正常既一個餃啦，都好飽滿，新鮮蒸出黎係幾好食既!
10) 腐皮鮮蝦卷 : 4⭐️
煎得外表好脆口，入面既蝦肉夠彈! GOOD!
11) 紅棗糕:4⭐️
一層一層，帶少少薑味，同埋好煙韧，唔錯呀
其實點心只要即叫即整即蒸就好好味，呢度只要比少少耐性就可以食到嫁啦!! 值得大家去等嫁，因為真係新鮮蒸，比起一早蒸定同翻蒸既淋晒同爛爛地既點心出色好多! 而且呢度用蝦整既點心都有番咁上下功架，可以食多D!! 又平&好服務喎~~Good!!
係熱左少少者...HEHE!
#好歡樂既一個晚餐
#滴滴仔戰隊
#共同作戰互相扶持互相鼓勵
#妳是最好的另一半
#好開心既運動
#激起屈小姐減肥既心！
Post