古今

Open Now

Now Closed

每次諗起想食卷物，古今二都係我選擇名單，勝在選擇種類同配搭夠多且新穎，觀塘果間就經常光顧，今晚行經銅鑼灣，就帶埋一個平日唔喜歡食飯嘅朋友去試下，等佢對食飯有另一種感覺😆。店鋪有日本居酒屋🏮風味，餐桌擺枱整整齊齊，店員都親切有禮貌，值得一讚👍🏻。睇睇餐牌，卷物配搭非常多。首先order份餐前小食，芝士魚餅，一碟有4件，以餐前小食黎講，份量都ok，底面煎得金黃香口，愛芝士嘅朋友一定會好鍾意，因為芝士味道好濃郁，入口軟淑。朋友鍾食食炸蝦🍤，所以特意order有蝦嘅卷物比佢嘆下😆。辣妹 / 火焰金龍卷，兩款同樣有炸蝦，辣妹面頭鋪上吞拿魚蓉同gi 左醬汁，火焰金龍卷上面鋪上厚厚三文魚，炸蝦香香脆脆，兩款同樣有流心芝士係飯中央；炸蝦同芝士味道撞埋非常之夾，卷物飯底又軟淑，好味👍🏻。豚肉泡菜鍋，熱辣辣上枱，豚肉份量都唔少，肉質帶些小肥，甘香之餘，口感一流，泡菜湯酸酸味味，又開胃又消滯，中間仲夾雜豆腐、金菇，娃娃菜同埋我最鍾意嘅韓式粉絲😋。