Video
Read full review
2020-11-05
394 views
同小朋友去完交通安全城放電，過對面馬路搵d小食時，見到呢間「豆乳狂人」將豆腐花同豆漿演變出咁多花款，仲有至愛嘅芋圓，就決定呢個下午茶食得健康啲😆老闆放咗個牌喺度表明佢哋嘅豆漿係自家製無添加防腐劑，等大家都飲得健康啲。而且佢哋所有嘅豆漿都冇落糖，但會配上黑糖俾我哋自己加落去，甜度可以自行決定👍🏼所以就買咗2支「黑豆豆乳」同「黑糖豆乳烏龍茶」返屋企飲。「黑糖豆乳烏龍茶」好特別，就好似黑糖奶茶咁，只不過唔落鮮奶，改為豆乳。飲落去口感更加清爽，而且有濃嘅烏龍茶味。因為呢度係外賣店，而放完電又好肚餓，所以我哋亦都買咗兩碗糖水、一杯飲品同一個「經典臭豆腐」企喺到食😂😂臭豆腐係即點即炸，所以食嘅時候好香脆，唔同傳統嘅正方形磚而係厚切塊狀，咁就冇食得咁呢hea😂飲品老闆推介我哋試吓佢哋招牌嘅「豆味芝士奶蓋豆乳茶」，係喺豆乳烏龍茶入邊加入西米同豆乳布丁，再喺上面鋪一層豆味芝士奶蓋，再放一串手工製白玉，最後灑上黃豆粉。口感同層次非常豐富😌我仲食到芝士奶蓋入面有細細粒嘅芝士😋而煙韌嘅手工白玉拈滿奶蓋同黃豆粉真係非常好味😍2⃣️碗自選三色芋圓嘅配搭分別係1⃣️西米+豆花+鮮芋泥，2⃣️手工黑糖+豆乳布丁+桃膠。啲芋圓煙煙
老闆放咗個牌喺度表明佢哋嘅豆漿係自家製無添加防腐劑，等大家都飲得健康啲。
而且佢哋所有嘅豆漿都冇落糖，但會配上黑糖俾我哋自己加落去，甜度可以自行決定👍🏼所以就買咗2支「黑豆豆乳」同「黑糖豆乳烏龍茶」返屋企飲。
黑糖豆乳烏龍茶 & 黑豆豆乳
$25
33 views
0 likes
0 comments
「黑糖豆乳烏龍茶」好特別，就好似黑糖奶茶咁，只不過唔落鮮奶，改為豆乳。飲落去口感更加清爽，而且有濃嘅烏龍茶味。
因為呢度係外賣店，而放完電又好肚餓，所以我哋亦都買咗兩碗糖水、一杯飲品同一個「經典臭豆腐」企喺到食😂😂
經典臭豆腐
$16
47 views
0 likes
0 comments
臭豆腐係即點即炸，所以食嘅時候好香脆，唔同傳統嘅正方形磚而係厚切塊狀，咁就冇食得咁呢hea😂
豆味芝士奶蓋豆乳茶
$35
36 views
0 likes
0 comments
飲品老闆推介我哋試吓佢哋招牌嘅「豆味芝士奶蓋豆乳茶」，係喺豆乳烏龍茶入邊加入西米同豆乳布丁，再喺上面鋪一層豆味芝士奶蓋，再放一串手工製白玉，最後灑上黃豆粉。口感同層次非常豐富😌我仲食到芝士奶蓋入面有細細粒嘅芝士😋而煙韌嘅手工白玉拈滿奶蓋同黃豆粉真係非常好味😍
三色芋圓 (自選)
$34
27 views
0 likes
0 comments
2⃣️碗自選三色芋圓嘅配搭分別係1⃣️西米+豆花+鮮芋泥，2⃣️手工黑糖+豆乳布丁+桃膠。啲芋圓煙煙韌韌好彈牙🤩鮮芋泥又滑又香濃，超級足料。豆乳布丁質感比豆腐花實少少，但係豆味依然香濃，加埋黑糖同桃膠就夠晒滋潤養顏🥰小朋友就當係jelly咁食😆
仲有，老闆話下次帶返呢隻膠盒過嚟買嘢，可以減$2，希望環保啲，所以選用左呢個好實淨嘅外賣盒👍🏼
三色芋圓 (自選)
$40
17 views
0 likes
0 comments
最後走嘅時候，見到display嘅餈飯好足料，就買咗兩個$20大大隻嘅粢飯做第二日早餐。
手工製餈飯
$20
26 views
0 likes
0 comments
手工製餈飯
$20
21 views
0 likes
0 comments
Post
