茶里 (千色匯) (Closed)

Happy Friday 就獎勵自己飲杯台式飲品啦，呢間舖頭分店唔算多，我只係好耐之前喺銅鑼灣分店飲過一次。今次喺荃灣店飲呢一個芝士奶蓋玫瑰紅茶，佢size細杯過珍珠奶茶，望落去幾靚兼好有層次。底下嘅玫瑰紅茶好香玫瑰花香味，我叫咗少甜，所以味道啱啱好，茶底都好飲。芝士奶蓋方面都幾香濃、奶蓋比例都有1/3以上，唔會太稀。特別一提好鍾意佢個杯嘅設計，呢個開口可以比我好容易飲到晒啲芝士奶蓋。佢仲有好多款靚靚包裝嘅茶包可以買走，咁樣係屋企都可以自己泡茶😛。