越男仔

Open Now

Now Closed

搞咩搞到火燭？上次食啟德嘅”越男仔”比較似food court格局，雖然啲嘢食已經吸引好多目光。但今次嚟到沙田店，既然Menu更多選擇，就揀一啲更吸引目光嘅嘢😂 - “原隻太平燒雞”。原隻太平燒雞 $188 - 視覺效果夠晒震撼，今次唔止附近嘅枱，差唔多全店嘅人都望過嚟😂。當店員倒了酒後，一點火，真係好誇張…跟住店員就會拎去切。味道上佢係飲宴嘅炸子雞升級版。除咗有專屬嘅醬汁，咬落去嘅脆皮仲會滲出南乳味，非常濃郁美味。唯獨要留意份量相當多，我哋最後要打包😅。三色檬紙卷拼盤 $138 - 呢個由三文魚、牛炸醬、手撕雞組成嘅六件裝紙卷，咬落去味道同清爽兼備，做開胃菜又得，填下個肚又得。落埋醬汁，更勝一籌。越式生蝦沙律5隻 $128 - 原本只係想當普通沙律前菜，點知原來嚟到咁大份。咁我心諗都冇嘢啦，五隻蝦啫，生蝦沙律可以有幾飽肚？生蝦本身新鮮大隻，但原來真正嘅核心係個蝦頭度，佢唔只係炸，仲釀咗好多料入去原本好多蝦膏嘅蝦頭度。所以味道豐富之餘都幾飽肚。椰香漏漏啡 $31 - 其實就係滴漏咖啡，個底係有甜嘅椰汁，所以最後撈埋一齊係有甜味。不過個人認為個椰汁味道可以再濃啲。今次嚟到沙田店”越男仔”