京都抹茶庵 (Closed)

自從中X藤吉全線關門以後，九龍已經冇咩抹茶雪糕店可以食，京都抹茶庵都算唔錯，行過商場都坐低歎下啦。今次揀左抹茶厥餅雪糕同培茶雪糕芭菲。抹茶厥餅雪糕有一小杯抹茶雪糕同3件抹茶厥餅。FD超鐘意食厥餅，之前去日本旅行，喺見到厥餅必買。宜家更耐冇得去旅行，見到厥餅當然要試下啦。哩間啲厥餅好Q彈，抹茶粉落得好足夠，食落唔會太甜，不過就只得3件，算好少。抹茶雪糕食落都好高質，唔會有cheap cheap啲感覺。培茶雪糕芭菲都好豐富，有2粒白玉小丸子，紅豆蓉，cream同脆米。不過整杯太大杯，食落好甜，食完都有少少膩，未有抹茶雪糕好味。埋單差唔多200HKD，都唔算平，質素都算唔錯，算OK啦