Video
Read full review
2022-05-29
137 views
睇個標題，一定係覺得我係西客，如果唔係個廚師就唔會無啦啦咁話你啦？聽埋個故仔先⋯-行完山大約兩點九，同媽咪第一次嚟到呢間餐廳食下午茶。因為我唔太餓，所以只有媽咪嗌咗個香脆下午茶餐。（餐廳無低消）炸魚柳加西多士，熱奶茶。-由於媽咪唔可以食甜，所以落單時已經講明魚柳唔要沙律醬，西多士咩醬咩牛油咩蜜糖都唔要，落單嗰位職員就hea hea地話呢到咩都係自己落架喎～～～咁好啦，你講我就信你架啦🙋🏻♀️落完單睇到張單，見到得「西多士走醬」已經深感不妙⋯- 等咗7-8分鐘，就見到一碟無走牛油既西多士同一塊份量好大但有沙律醬既魚柳；（抱歉因為本身無打算投稿所以無影相）見到咩都無走，好自然就同另一個職員講返（有禮貌的），個職員收走就同廚房講，因為我地坐近廚房，就聽到廚房係到嘈，話張單只係打咗西多走醬、應該打全走咋喎⋯無耐，一碟新既西多同魚柳就上菜了⋯只見魚柳切開一半，反過背面就見到撥開咗沙律醬既痕跡，碟上面仲有殘留既沙律醬😂有說，臨時演員都係演員，喂但呢碟嘢完全唔專業囉，真係當個客傻既？好聲好氣同職員講，職員收走放返入廚房，叫廚師做過，高潮就來了😂😂- 只聽到廚師兩個收返嚟就係到鬧鬧鬧，其中一個女人仲要
聽埋個故仔先⋯
-
行完山大約兩點九，同媽咪第一次嚟到呢間餐廳食下午茶。
因為我唔太餓，所以只有媽咪嗌咗個香脆下午茶餐。（餐廳無低消）
炸魚柳加西多士，熱奶茶。
-
由於媽咪唔可以食甜，所以落單時已經講明魚柳唔要沙律醬，西多士咩醬咩牛油咩蜜糖都唔要，落單嗰位職員就hea hea地話呢到咩都係自己落架喎～～～
咁好啦，你講我就信你架啦🙋🏻♀️落完單睇到張單，見到得「西多士走醬」已經深感不妙⋯
-
等咗7-8分鐘，就見到一碟無走牛油既西多士同一塊份量好大但有沙律醬既魚柳；
（抱歉因為本身無打算投稿所以無影相）
見到咩都無走，好自然就同另一個職員講返（有禮貌的），個職員收走就同廚房講，因為我地坐近廚房，就聽到廚房係到嘈，話張單只係打咗西多走醬、應該打全走咋喎⋯
無耐，一碟新既西多同魚柳就上菜了⋯
只見魚柳切開一半，反過背面就見到撥開咗沙律醬既痕跡，碟上面仲有殘留既沙律醬😂
有說，臨時演員都係演員，喂但呢碟嘢完全唔專業囉，真係當個客傻既？
好聲好氣同職員講，職員收走放返入廚房，叫廚師做過，高潮就來了😂😂
-
只聽到廚師兩個收返嚟就係到鬧鬧鬧，其中一個女人仲要重覆咗三次：
唔想食咪去第二到食囉！
唔想食咪去第二到食囉！
唔想食咪去第二到食囉！
Hey，廚師權力咁大既？
-
講真客人要求就一早講咗，你唔怪你同事打單將啲重點miss哂，怪個客人唔食你落錯既嘢，成件事好搞笑，講真可以食、可以撥走就唔叫你換啦！
算！本身都打算食埋就算，但見到呢碟嘢，真係忍唔住要Post上嚟，本來成條既魚柳得返一半，好擺明係故意架喎😂廢事再講會加料，食完就走，食個Tea食到成肚氣！
-
有問題唔去解決，解決提出問題既人！
不禁讚嘆一句：廚師權力真大😊
縮水魚柳
$39
20 views
0 likes
0 comments
Post
