NENE CHICKEN (青衣城2)

Open Now

Now Closed

平時都係叫開外賣，見青衣城新開，就去試下。一入到去，被安排坐二人枱。雖然有膠板隔住，但同隔離枱都好近，又逼。我哋見窗邊有四人枱無人坐，我哋就問職員可唔可以調位。職員話唔可以，因為有人book咗，但係當時門口無任何人排隊😅，不過唔得就算啦。過咗5分鐘，有個高級職員埋黎，話訂咗位嘅客人未到，如果我哋可以準時交枱，都可以幫我哋調位。於是，我哋就即刻調去四人枱。落單嘅時候，餐廳話未有酒牌，所有酒精飲品都冇😅 最後我哋只係嗌左一碟炸雞。食炸雞冇酒飲，真係爭啲⋯⋯味道正常，不過唔係熱辣辣⋯⋯我諗去其他分店，會做得更好。