涼皮小姐‧麻辣米線專門店 (Closed)

作為米線fans既我...平時諗唔到食咩就一定去食米線...所以都食過好多唔同形式款式風味估唔到屋企附近甘岩又新開一間米線舖~正呀....就即管去試下本來想去買外賣返屋企慢慢食，不過入到舖頭見環境幾舒服，又見仲有時間....就改變主意堂食啦! 叫左碗肥牛+金菇酸辣米線(小辣) & 涼拌皮蛋....再望下餐牌，原來有個幾特別既小食-麻辣藕尖?!!? 未食過喎....好啦，後加埋佢啦! 米線同皮蛋先到了，賣相同一般出面食既差唔多....試下個湯先，第一啖覺得清甜，又唔油...再試埋d酸菜....咦，唔係死酸既酸菜啊! 湯加埋酸菜一齊係真係幾好食搞到我都飲左幾啖湯先開始食米線，哈哈! 辣度就正常啦，可能我叫小辣....米線口感都幾好，岩我口味~而皮蛋個醬都唔錯，麻辣得黎又未至於要令人頭皮流汗果種，所以食得幾舒服....跟住藕尖都到了....呀!原來個樣好似平時見到既蓮藕既bb版...幾得意粗度就類似細棵既菜心...咬落好爽口...個醬就應該同皮蛋一樣，好入味所以我最快食完係最遲黎既麻辣藕尖!今次揀呢3樣野食都滿意啊! 食物有誠意!! 絕對有下次下次再黎試埋撈涼皮(撈米線喺出面食過，唔知涼皮係