Video
Read full review
2021-08-15
1454 views
食過幾間人氣海膽意粉 都係希望越大失望越大。不過我係唔會放棄架！所以今次就嚟到大坑嘅 𝙏𝙞𝙥𝙨𝙮 𝙍𝙚𝙨𝙩𝙖𝙪𝙧𝙖𝙣𝙩 & 𝘽𝙖𝙧 ，一試朋友推介嘅海膽意粉！餐廳氛圍唔錯，不過枱與枱之間距離較近，唔太寛敞，但勝在樓底高。餐廳更設有露台，涼涼地坐係室外飲返兩杯都幾chill嘅~ 星期五夜晚嚟到座無虛席，建議大家預早訂枱。▪️Sea Urchin Pasta with Flying Fish Roe and Fennel Faom $288海膽意粉賣相好得！不過可能期望太高，食落有啲失望。入口海膽味都算明顯，不過就無想像中咁濃郁，幸好無被其他調味蓋過。意粉軟硬適中有咬口，但較為乾身，拌匀茴香泡沫可以稍微增添濕潤感。海膽細細舊，毫無令人反感嘅腥味苦味。整道走較清淡嘅路線，就係好純粹 淡淡地嘅海膽味。▪️Charcoal grilled Wagyu M6 Ribeye $388五成熟嘅炭燒肉眼扒富焦香之餘，肉汁依然被鎖住。火喉控制得剛好，肉質軟腍juicy，呈粉嫩嘅紅色。肥膏位帶點入口即化，富油香。略嫌鹽落得有啲重手，有少少蓋過左和牛嘅香氣。其實個人幾鍾意佢嘅肉質，可惜過於重口味，嘥咗塊牛。▪️Li
餐廳氛圍唔錯，不過枱與枱之間距離較近，唔太寛敞，但勝在樓底高。餐廳更設有露台，涼涼地坐係室外飲返兩杯都幾chill嘅~ 星期五夜晚嚟到座無虛席，建議大家預早訂枱。
▪️Sea Urchin Pasta with Flying Fish Roe and Fennel Faom $288
海膽意粉賣相好得！不過可能期望太高，食落有啲失望。入口海膽味都算明顯，不過就無想像中咁濃郁，幸好無被其他調味蓋過。意粉軟硬適中有咬口，但較為乾身，拌匀茴香泡沫可以稍微增添濕潤感。海膽細細舊，毫無令人反感嘅腥味苦味。整道走較清淡嘅路線，就係好純粹 淡淡地嘅海膽味。
▪️Charcoal grilled Wagyu M6 Ribeye $388
五成熟嘅炭燒肉眼扒富焦香之餘，肉汁依然被鎖住。火喉控制得剛好，肉質軟腍juicy，呈粉嫩嘅紅色。肥膏位帶點入口即化，富油香。略嫌鹽落得有啲重手，有少少蓋過左和牛嘅香氣。其實個人幾鍾意佢嘅肉質，可惜過於重口味，嘥咗塊牛。
▪️Little Tispy $118
House Brandy, Brown Sugar Plum Wine, Apple juice初初入口 酒同蘋果汁平衡得幾好，飲得到酒嘅濃烈，又會有蘋果嘅香甜。但隨着時間變化，就只剩下蘋果的味道。
整體嚟講，菜式定價偏高，份量偏細，每人食左四百蚊，都唔係好夠飽。味道有岀色之處亦有不足。不過網上訂座平台某啲時段有50%off，如果半價黎食都OK嘅~
Post
