The Burger Joint (Closed)

食burger近期成為潮流。舖越開越多，真係點食點試都嚟唔切...遠征至上環，又係新舖一間，响正老舖生記斜對面，唔太難揾...店子小小，過咗食飯時間嚟，依然差唔多full house，有D奇...叫招牌classic BJ burger。配料只得簡單嘅蕃茄片及生菜，再加少少錢配埋炒蒜香菇，夠矣...包烘得外脆內軟，仲有芝蔴鋪面，認真不錯...肉grill得不俗，有少許肉汁，做得比triple O's出色，Freshness Burger更加係冇得比...枱面一大堆dressing任君選擇。試咗tangi pickle及wasabi mayo，冇乜特別...都係原汁原味好D...薯條現炸，熱辣辣，外脆內軟，有番咁上下...價錢唔算太過份(相比起freshness burger)，值得一試..