Video
Read full review
2015-09-01
779 views
神秘的炸雞店~好巴閉！要18:00先開門!平時想食lunch都唔得！地方唔係好大，約30個位左右。為左可以BOOK位唔洗等，叫夠6位同事放工一齊去食！香港好多炸雞店都食過，今次就試下呢間啦！呢間有好多種特別既炸雞可以揀，仲要有D唔係傳統味道既炸雞！大蒜豉油炸雞比平時既豉油炸雞多左D大蒜味，仲有D杏仁片係面，好香口！味道唔會太鹹，岩岩好！忌廉羅勒香蒜炸雞呢款炸雞食評好多人推薦既，配有一兜忌廉羅勒醬，仲有火助熱等佢冇咁易凝固！暖暖地可以點黎食，建議可以先食一舊唔點既 (我諗應該係原味炸雞)，之後可以再點醬黎食！咁就可以食2種口味啦！如果佢真係原味炸雞咁佢整得都唔錯，通常冇汁既原味炸雞都好伏，但呢間一D都唔伏！呢到既炸雞比較特別既係佢係冇骨，所以檯面係唔會有裝骨既容器。仲有D炸雞應該係即叫即炸，外脆內熱，好好食！仲有炸雞既拍檔──蘿蔔都好好食！(初時見佢紅色仲以為係西瓜...)卡邦尼年糕原本想叫辣味年糕，但因為同行有朋友仔唔太食得辣，所以叫左呢個！我覺得佢唔係卡邦尼汁黎，似黑松露醬多D，因為本人鍾意黑松露所以我覺得好食！但先入為主地覺得年糕都係辣好食D，下次想試埋佢個辣味年糕。鐵板芝士辣雞好
好巴閉！要18:00先開門!平時想食lunch都唔得！
地方唔係好大，約30個位左右。
為左可以BOOK位唔洗等，叫夠6位同事放工一齊去食！
香港好多炸雞店都食過，今次就試下呢間啦！呢間有好多種特別既炸雞可以揀，仲要有D唔係傳統味道既炸雞！
大蒜豉油炸雞
$178
47 views
0 likes
0 comments
比平時既豉油炸雞多左D大蒜味，仲有D杏仁片係面，好香口！
味道唔會太鹹，岩岩好！
忌廉羅勒香蒜炸雞
$178
32 views
0 likes
0 comments
忌廉羅勒香蒜炸雞呢款炸雞食評好多人推薦既，配有一兜忌廉羅勒醬，仲有火助熱等佢冇咁易凝固！
暖暖地可以點黎食，建議可以先食一舊唔點既 (我諗應該係原味炸雞)，
之後可以再點醬黎食！咁就可以食2種口味啦！
如果佢真係原味炸雞咁佢整得都唔錯，通常冇汁既原味炸雞都好伏，
但呢間一D都唔伏！
呢到既炸雞比較特別既係佢係冇骨，所以檯面係唔會有裝骨既容器。
仲有D炸雞應該係即叫即炸，外脆內熱，好好食！
仲有炸雞既拍檔──蘿蔔都好好食！(初時見佢紅色仲以為係西瓜...)
卡邦尼年糕
$108
18 views
0 likes
0 comments
原本想叫辣味年糕，但因為同行有朋友仔唔太食得辣，所以叫左呢個！
我覺得佢唔係卡邦尼汁黎，似黑松露醬多D，因為本人鍾意黑松露所以我覺得好食！
但先入為主地覺得年糕都係辣好食D，下次想試埋佢個辣味年糕。
鐵板芝士辣雞
$98
59 views
0 likes
0 comments
好香濃，D雞好滑，芝士仲可以牽絲，但呢個portion比較細，多人可能要叫多個。
本人係芝士怪，所以好鍾意食！除左芝士同雞，仲有D菇同洋蔥調味！
魚片湯
$90
27 views
0 likes
0 comments
連GAS 爐上檯，呢個反而估唔到佢有咁大兜！幾抵食！
好似平時打邊爐D鍋咁上下大！我地7個人都飲唔晒D湯！
韓式既魚片湯不嬲都係辣辣地既，如果冬天飲真係一流！
飲品方面叫左啤酒同Fruit Punch，但冇影相！
師奶仔心理覺得可樂都要廿幾蚊，不如叫一JAR Fruit Punch啦！
價錢HKD85，覺得OK，唔難飲亦唔會過甜。
總結黎講好滿意，幾好食！遲D可能會食多次添！
仲要可以BOOK位，唁洗好似其他炸雞店咁排餐死！
但記得要湊夠6個人先可以BOOK呀！
Post
