備長

Open Now

Now Closed

難得早放可以同呀妹去食下飯閒聊，喺銅鑼灣周圍逛睇下食咩好～最後喺Sogo隔離嘅大廈見到成棟都係野食，就停低左，揀左間居酒居！一上到去已經聞到勁香💁🏾‍♀️環境都寬敞嘅，比左個四人位我地坐！見到海膽炒飯太吸引🤤再叫左唔同串燒，兩個女仔無叫太多肉，叫左我最愛嘅雞皮🥰雞軟骨啦 厚切牛舌 又另一我最愛嘅鴨舌（好多舌頭😂）之前喺唔同居酒居都試過荔枝豬肉卷，今次都有嗌🤤 仲有串燒銀雪魚同每人一隻明太子雞亦！見到有熱情果梳打，又忍唔住叫左，熱情果難以抵抗😋海膽炒飯好！出！色！連夜晚唔太食殿粉嘅妹妹都食左好多碗！除左舖面嘅外膽新鮮，啲炒飯粒粒分明，好味！串燒雞皮同軟骨太正，脆但又唔膩！本身都超好牛舌，點啲鹽正都爆！大推嘅居酒屋！