Video
Read full review
2017-08-03
116 views
726呢棟大廈其實都幾多野食，韓國野又有，打邊爐又得，燒肉又有，週三晚上同幾個朋友一齊黎食左2樓呢間泰菜，質素不俗呢。平日晚上時間，客人唔算好多，一出lift門已經好快有店員招待，我地坐左喺梳化位。餐廳位置都幾多，裝潢就唔算好有泰式風味，青綠色嘅座椅、木枱、燈光柔和，環境都ok。座位間空間感足，唔會覺得逼狹，餐枱係正常大小，不過如果好似我地點菜較豐富，都有機會放唔落，好在店員夠醒目，及時搬多張枱俾我地餐牌選擇豐富，有小食、燒烤、湯品、沙律、蔬菜、咖喱、肉類、海鮮、飯麵、素泰菜、印度菜、甜品、飲品等，定價都可以接受，我諗人均二百零蚊左右啦。另外有4/6/10人套餐，不過睇過就唔太啱我地食，而且有四個人自己散叫都唔會話好貴，於是我地一律單點。泰式炸蝦餅 $78/4件食泰菜不能少嘅一定係炸蝦餅！蝦餅賣相唔錯呢，分成一半，總數八件，炸粉唔厚，而且幾香脆蝦肉都幾爽口，略嫌實左少少。串燒沙嗲 $82/半打（豬/牛/雞，選兩款）我地揀左牛肉同雞肉，沙嗲汁唔會好辣，沾上串燒都幾惹味，個人認為牛肉比較出色，一般出街食嘅牛串都比較乾、韌，呢度嘅牛串有嚼勁，但唔會燒得過老反而雞肉就鞋口左少少。泰式香茅燒雞
平日晚上時間，客人唔算好多，一出lift門已經好快有店員招待，我地坐左喺梳化位。餐廳位置都幾多，裝潢就唔算好有泰式風味，青綠色嘅座椅、木枱、燈光柔和，環境都ok。座位間空間感足，唔會覺得逼狹，餐枱係正常大小，不過如果好似我地點菜較豐富，都有機會放唔落，好在店員夠醒目，及時搬多張枱俾我地
餐牌選擇豐富，有小食、燒烤、湯品、沙律、蔬菜、咖喱、肉類、海鮮、飯麵、素泰菜、印度菜、甜品、飲品等，定價都可以接受，我諗人均二百零蚊左右啦。另外有4/6/10人套餐，不過睇過就唔太啱我地食，而且有四個人自己散叫都唔會話好貴，於是我地一律單點。
泰式炸蝦餅 $78/4件
食泰菜不能少嘅一定係炸蝦餅！蝦餅賣相唔錯呢，分成一半，總數八件，炸粉唔厚，而且幾香脆蝦肉都幾爽口，略嫌實左少少。
泰式炸蝦餅
$78
22 views
0 likes
0 comments
串燒沙嗲 $82/半打（豬/牛/雞，選兩款）
我地揀左牛肉同雞肉，沙嗲汁唔會好辣，沾上串燒都幾惹味，個人認為牛肉比較出色，一般出街食嘅牛串都比較乾、韌，呢度嘅牛串有嚼勁，但唔會燒得過老反而雞肉就鞋口左少少。
串燒沙嗲
$82
6 views
0 likes
0 comments
泰式香茅燒雞 $128/半隻
燒雞性價比低，價錢唔平，因為係春雞，雞肉嘅份量真的比較少，皮有點肥厚，但燒得唔夠香脆，雞肉同時較鞋口，建議不點這個。因為其他菜式都好食，唯獨雞一般。
泰式香茅燒雞
$128
26 views
0 likes
0 comments
泰式青檸鮮魚爐烏頭 $178
人多的話，推薦這個，附有一碗魚湯，客人可以一邊食一邊慢慢加上去，咁魚肉keep住入味加有水份。
烏頭魚已經算少骨，肉質肥美，加上青檸、香茅、辣椒製成嘅湯底，又鮮味又惹味呢，平時特別怕唔少心啃到骨嘅我，都食得好滋味
泰式青檸鮮魚爐烏頭
$178
20 views
0 likes
0 comments
冬陰公鮮蝦炒飯 $82
因為有四個人，怕唔夠飽，都要點個飯頂頂肚，揀左冬陰公炒飯，賣相都唔錯，有幾隻蝦球，雖然炸漿較厚，不過蝦肉食落都爽口彈牙。
飯嘅份量都幾多，四人分剛好，食落就唔會太辣，加有草菇，炒飯炒得夠乾身，我地都差啲想點多份咖喱黎送飯呢
冬陰公鮮蝦炒飯
$82
19 views
0 likes
0 comments
馬拉盞炒椰菜苗 $82
蔬菜選擇頗多，有基本嘅通菜、西蘭花、椰菜苗，仲有四季豆、什菌、什菜、茄子 同最近老是常出現嘅秋葵。不過以炒菜黎計，定價略高，每款係 $68-$82。食泰國野通常我地一定食椰菜苗，貪平時食唔到，纖維又高有助消化呢。椰菜苗炒得入味，保持鮮嫩爽口唔苦。
馬拉盞炒椰菜苗
$82
15 views
0 likes
0 comments
蒜茸法包 $36/4件
鐘意食蒜茸嘅人，我地都推薦呢度嘅包，見到個賣相都好滿意，蒜茸搽得均勻，包身烘焗至脆身，但唔會燶，沾上咖喱肯定仲正呀
蒜茸法包
$36
14 views
0 likes
0 comments
飲品方面有汽水、一般港式飲品、梳打、椰青、沙冰、啤酒等，我地一人一杯冰試下，因為天氣實在太熱。
椰汁冰 $32：友人點嘅椰汁冰，佢話幾好飲，係甜左少少。
芒果沙冰、椰汁沙冰、阿華田沙冰 $38：正常水準，甜度適中。
芒果沙冰、椰汁沙冰
$38
9 views
0 likes
0 comments
阿華田沙冰
$38
13 views
0 likes
0 comments
椰汁冰
$32
20 views
0 likes
0 comments
總括而言，泰屋嘅食物質素都唔錯，份量唔算多，以上四人食，足夠飽肚，埋單人均就二百$220左右，可以接受呢，畢竟我地都算點得多。
環境方面因為係平日唔算好多人所以都坐得幾舒服，店員嘅態度都好好，喺旺角區嘅泰菜我食黎食去都係食廣華街一帶、旺角街市一帶，現在都多個選擇呢。
餐牌：
Post
