Video
Read full review
2015-08-12
1013 views
朋友講咗好耐話想試下呢間新酒店嘅餐廳，話三百幾蚊有5個courses，終於定下日子過來試下！朋友幾日前訂咗位，仲要求安排𥦬口嘅位置！因為係19樓嘅關係，係度睇夜景都應該唔錯。因為係酒店嘅關係，所以一入門口就有人對你點頭微笑！而且好謹慎，可能我哋一睇就知唔係住客，所以有問我哋去幾多樓！我哋表示去19數嘅UpTop就幫我哋㩒。上到餐廳，亦有侍應開門同講歡迎光臨！不過一入去才發覺原來餐廳好細，只有六張四人枱，座位唔多過30個。餐廳亦有安排𥦬口位俾我哋，所以我哋2人就坐了一張4人枱！而呢嘅景色係對住科學館，不過夜景望出去都幾靚！先叫咗本ELDER FLOWER同PEACH味嘅飲品，清清地幾好！不過唔記得叫咩名，只記得待應話係佢哋嘅signature drink！Set Dinner 可以揀Delight Tasting Menu (6 Courses) 同Chef Tasting Menu (8 Courses)。睇完2個Menu我毫不猶豫咁揀咗6個courses 嘅Delight Tasting Menu，因為呢個有我鐘意嘅Sea Bass，而且分量亦比較合適！另外Chef Menu 嘅三文
因為係酒店嘅關係，所以一入門口就有人對你點頭微笑！而且好謹慎，可能我哋一睇就知唔係住客，所以有問我哋去幾多樓！我哋表示去19數嘅UpTop就幫我哋㩒。上到餐廳，亦有侍應開門同講歡迎光臨！
不過一入去才發覺原來餐廳好細，只有六張四人枱，座位唔多過30個。餐廳亦有安排𥦬口位俾我哋，所以我哋2人就坐了一張4人枱！
而呢嘅景色係對住科學館，不過夜景望出去都幾靚！
先叫咗本ELDER FLOWER同PEACH味嘅飲品，清清地幾好！不過唔記得叫咩名，只記得待應話係佢哋嘅signature drink！
Set Dinner 可以揀Delight Tasting Menu (6 Courses) 同Chef Tasting Menu (8 Courses)。睇完2個Menu我毫不猶豫咁揀咗6個courses 嘅Delight Tasting Menu，因為呢個有我鐘意嘅Sea Bass，而且分量亦比較合適！另外Chef Menu 嘅三文魚同安格斯都唔係我嘅選擇！
落完order之後，侍應放低左一個布袋同一碟香草牛油。布袋入邊放咗四片麵包，兩件白色兩件黑色。侍應亦都無介紹黑色片麵包係咩啊，不過照我估計應該係黑炭麵包，而另外一片就係普通嘅法包！
麵包嘅味道冇咩特別，反而覺得有啲乾乾地好似放咗一段時間咁！
Amuse Bouche是法文意思係餐前開胃小吃，一般係小小的一口。呢度嘅Amuse Bouche係切碎咗嘅青瓜同帶子，上面再放多少少黑魚子。青瓜同帶子應該用醋來調味，所以有少少酸嘅感覺，作為餐前小食都OK！
頭盤叫做Spring Field，睇個賣相都好有呢個感覺，其實係一個青瓜藜麥沙律。藜麥越嚟越受港人歡迎，因為營養價值豐富，而且口感煙韌，有啲似Risotto咁，好多餐廳都會用來做沙律!二今晚嘅青瓜藜麥沙律，藜麥本身冇咩特別問題！不講一食落去就有好熟悉嘅味道，未到就好似同頭先嗰Amuse Bouche一樣！好明顯係用同一個沙律醋嚟調味，老實講我覺得酸咗少少，而成個沙律除咗沙律醋嘅味道之外就食唔到其他味道喇！頭先個Amuse Bouche因為份量少所以覺得問題唔大，但係呢個頭盤份量比較多，越食就覺得越酸！如果作為一個開胃嘅小食其實唔錯，但係如果作為頭盤味道亦都太單一喇！
之後就係我最期待嘅Sea Bass，份量方面都算幾大件，外皮亦都煎得好香脆。雖然有鮮味，但卻很「鞋口」！一般來說海鱸魚油脂比較豐富，肉質密實嫩滑！這一次處理得不太好，所以失去了驚喜！而旁邊嘅沙律，係中東麥沙律，這次的中東麥同頭先嘅藜麥又不一樣，不過只在於口感上！這次中東麥嘅口感比較腍身，似煮得過耐嘅Risotto！但味道上跟之前嘅Amuse Bouche同頭盤係一樣嘅！
到另一個main course係美國雞卷配苦白菜紅棗汁！
好開心竟然有苦白菜，香港餐廳可以食到苦白菜嘅唔多，不過開心只係維持左一陣間，一食落去完全唔係嗰回事！苦白菜本身嘅味道係甘苦，如果生食的話仲會甘苦多汁，有少少似芥辣嘅味道！但好明顯呢份苦白菜係用糖水煮過嘅，完全失去左苦白菜本身嘅味道，可能廚師怕客人接受唔到苦白菜本身甘苦嘅味道！至於雞卷方面都算OK ，雖然算不上好嫩滑，但亦都唔係「鞋口」。至於個紅棗汁，就可以讚一讚啦，汁做得比較厚身，如果話係汁不如話係一個漿，酸酸甜甜配個雞卷味道剛剛好！
最後嘅甜品係Champaign Sorbet，只係得一個字-_-甜！除咗甜唔覺得有Champaign嘅味道！
最後叫咗我至愛嘅earl grey tea，OK淡淡地不過唔「鞋口」。
Post
