霸王山莊

Open Now

Now Closed

新年期間兩老同親戚黎食飯，派左$500現金劵比佢地，所以今日同老友食飯，順便黎用埋佢，今日見到廚師推介幾款菜，所以叫左呢幾款，有話梅醉乳鴿，脆爆牛柳絲，燒羊腩，再叫返餐廳基本食品，必食北京烤鴨（半隻），賽螃蟹，螞蟻上樹。醉乳鴿-好好食，酒味濃，一啲苦味都無，仲有入口好香甜嘅話梅味。牛柳絲-食落好有上海前菜脆鱔嘅口感，味道一流，我個人食左大半碟。燒羊腩-配左啲薄餅，連埋八款配料及醬料包住黎食，感覺幾新鮮，不過又唔係太大驚喜，但都合格有餘。北京烤鴨-依然出色，肉唔太多，鴨胸位置皮與肉之間一小層脂肪，入口甘香，另外鴨背無肉嘅地方，片片都似薯片咁脆口，直係好好食。賽螃蟹-蛋香味濃，加埋黑醋食真係好鬼好食，入口就知即叫即做，因為蛋白實在太滑，唔似我曾經喺酒樓食過果啲入口就知做定翻煮，所以呢度真係正。螞蟻上樹-炒得好乾身，我平時都唔太食粉絲，今晚夾左2碗黎食。今晚用$500現金券埋單，真係感覺好抵，值得再一次幫襯。