Ulyssa by Aldou (Closed)

如果同三五知己諗住輕輕鬆鬆食餐飯， 呢度係唔錯嘅選擇， 坐得舒服，環境唔會太嘈，食物都唔錯。星期五晚訂咗8點鐘， 早咗上去都安排到座位。 我order咗龍蝦意大利飯，可以加錢配埋湯同埋飲品。 當日餐湯係黑松露忌廉湯， 又滑又有好香嘅黑松露味道 至於龍蝦意大利飯， 意大利飯唔會煮得太硬， 不過唔想食意大利飯都可以轉意大利粉。至於飲品，加錢可以叫其他特飲，而我叫咗玄米綠茶就唔需要額外加錢。諗住工廠大廈會提早叫我哋埋單清枱，但係我哋走嘅時候大約9點40分都仲有好多人坐喺度。