御鐵

Open Now

Now Closed

閨蜜早前話想食鐵板燒，今日大家都可以早放工，可以係銅鑼灣先行個街，再食晚飯。餐牌以套餐為主，三心兩意的我地決定要兩個唔一樣的，一齊食。整個用餐體驗很好，而烹調方法配合食材，特出食材的鮮味，而份量都是大大份，同價錢成正比。有幾道菜式仲令我印象深刻。南非孔雀鮑配海苔沙律醬 - 南非鮑魚，厚身但易咬。真的用上原隻鮑魚，仲配有燒鮑魚內臟。燒的時候無加任何調味，鮑魚本身帶鹹鮮味，呢個食法能食到鮑魚的原味，鐘意多一點層次可以點醬食。斑馬賴尿蝦 - 同手臂差不多長的巨大賴尿蝦，肉質非常彈牙，味道鮮甜。熊本縣產A5和牛厚燒 - 即場點火煙燻，為味道加上多點層次之餘，仲好有睇頭，可以打下卡。牛脂豐富，肉質軟熟，有入口即溶嘅感覺。鐘意點少少鹽同夾塊自家制蒜片，豐富口感同層次。清酒煮蜆湯 - 因為酒精係烹調的時候已經蒸晒，所以飲到只有鮮甜味，仲有大大粒花甲。海膽烏魚子炒飯 - 個飯有烏魚子和海膽，再加了大量的蔥花炒飯，非常惹味。其實已經飽，但都忍唔住食晒😅最欣賞呢度d 職員十分友善親切，唔會好拘謹，仲好細心提我地要帶遮。