珍苑麵家 (Closed)

同朋友行山行左成日，上水我哋唔熟，純粹睇食評想搵間餐廳醫肚，咁見呢間又唔差咪膽粗粗去食。嘩！真係唔錯喎，叫左碟牛腩雲吞撈麵，一碟雞翼牛腩撈麵，淨豬手一細碟。所有食材都新鮮，唔似個d滷左好耐滷到爛，呢度雞翼皮彈牙肉嫩，無冰鮮味，呢點好緊要，好多粉麵檔雞翼處理唔好，又炆到皮爛肉鞋，牛腩就略嫌唔夠牛味，豬手又係好正，無咩毛，而且有咬口。餓到無留影😂😂😂如果有機會再黎上水食粗野，我會再黎，希望佢開多間分店係荃灣，荃灣欠呢種有心經營嘅粉麵檔，充斥太多高納米線。