那個ㄋㄚˋ ㄍㄜ (翠和里)

Open Now

Now Closed

見大埔又開咗一間台灣菜式嘅， 裝修又好似唔錯， 門口又好似有人排下隊咁樣， 心諗應該唔會太差， 好啦一坐低望下餐牌， 食物選擇都算多， 價錢都係咁上下， 咁就嗌咗一個鹽酥雞扒乾拌麵， 一嚟到碗麵個樣唔錯， 但見雞扒啲顏色唔多精神， 九乘九都係油溫唔啱， 加上時間唔啱， 咁都唔理佢啦應該唔會差得去邊， 食咗啖麵先，口感ok， 跟住食下個主角，一咬落去硬到石頭咁， 再跟住完全冇味， 其實都唔知依家啲師傅有冇食過自己煮出嚟嘅嘢。只可以講超級難食， 跟住侍應話可以加曬檯面啲粉去調味， 我都唔知佢係未瞓醒定求其答。 不過睇返其他分店嘅差評， 原來好多都話係冇味道好難食。最奇怪就佢枱面啲粉又係冇味道。但好心佢哋真係試過曬自己煮出嚟嘅作品先至好賣街。唔好等啲消費者貼錢買難受呢間又係一次過永無下次乾脆快啲執咗佢騰空個位比其他有心人開