堅記車仔麵

Open Now

Now Closed

喺九龍城行過見到新開張諗住外賣試一試，價錢貴就預咗但份量真心細，所謂清湯底似係淥麵水加鹽而且鹹味十足，陳皮魚蛋唔入味之餘一咬落口又粉，蘿蔔又係唔入味仲要切到好細粒，豬皮唔入味之餘又唔夠淋，豬紅就真係.....切到一粒一粒仲細粒過半隻麻雀牌，$18碟唐生菜OK啦，鹵水大腸還可以，$42細秘制水魷魚（疑似用上Jimmy沙嗲醬）算係最出色，油麵淥得太淋；幸好都識得麵和湯分開裝外賣碗，否則就更難食。整體如果10分滿分；我最多都係俾4分，水平以下。