Morty's Delicatessen

Open Now

Now Closed

雖然今日係情人節，需要食啲比較浪漫嘅嘢食，但係節日來講最緊要特別，所以就揀咗呢間餐廳去試吓佢好出名嘅煙燻肉三文治。煙燻肉三文治喺香港並唔係好多地方可以食得到，呢一間餐廳喺網上評價都唔錯，喺唔同嘅食評佢嘅賣相都好吸引。當日情人節人數唔多，座位非常寬躺，環境衛生都做得非常好。主要就係叫咗佢個煙燻肉三文治Reuben, 佢就包埋有個side dish再加無限增加嘅酸瓜，酸瓜半條半條咁上，亦都非常之酸，非常開胃。個side dish我就叫咗薯條，數量非常之多，都係新鮮即炸，感覺有啲熱氣；個主菜係煙燻肉三文治，份量好多啖啖肉，佢啲肉亦都肥瘦均勻，唔會話好dry，佢本身個醬汁同醃料處理得好好，食完之後好滿足！最令我驚訝的，是原來逢星期二有買一送一優惠，所以當我以為要比三百幾蚊買單時， 佢拎張單嚟原來淨係百五蚊，感覺好開心，賺哂！