薯仔屋 (Closed)

上個禮拜老友帶左我去一間好有特色嘅樓上cafe 食飯, cafe 用左懷舊玩具做主題, 一入到去已經覺得自己去左間玩具博物館咁, 老板嘅珍藏真係好多, 我本身都係玩具迷一名, 依個地方對我黎講絕對係個天堂。未夠時間細心欣賞老板珍藏, 我嘅老友已經要施展招魂術招我返黎點菜。依度有幾多一人同多人餐可以揀, 餐通常已經包左沙律, 蒜蓉包, 主菜, 甜品及餐飲, 係銅鑼灣地區, 百鬆啲有咁嘅份量算係好抵食。我同老友各叫左個一人餐, 首先係沙律同包, 沙律個醬唔錯, 撈得幾好, 不過個包仲正! 有哂芝士同蒜蓉係面, 勁好味, 如果可以再大塊啲就perfect 啦！ 而主菜就有兩個, 分別係蕃茄蘑菇煙肉意粉, 同燒豬仔骨拼薯條, 前者蕃茄味濃, 睇得 見有好多片新鮮蕃茄混在其中, 感覺健康之餘, 意粉亦煮得唔錯, 唔會話太淋果種, 抵讚! 豬仔骨都煮得好入味, 唔太難切, 加埋有燒烤醬嘅薯條, 無得彈! 甜品就有雪糕泡芙, 細細粒容易食, 我地一口就KO左佢lu。整體黎講, 全個餐份量十足, 如果有幾個人一齊share, 可以試多啲唔同嘅嘢咁就最好啦!以為咁就埋單走人? 咪住先! 我同朋友都見到c