Video
Read full review
2018-08-04
212 views
日式放題真係我至愛，今次搵到荃灣呢間又多嘢食，價錢又抵嘅日式放題，點可以唔同大家開心share呢? 極上安格斯牛小排放題都係$238，美國極上安格斯牛小排、 特級美國穀飼牛、 美國進口牛肉、炸物、美國自然豚肉片、雞肉、刺身任食，仲有雪糕甜品添！去到餐廳門口，掛滿晒繪馬，好似去左日本神社咁，好有日本feel。餐廳仲有唔同嘅顏色筆比你畫繪馬，寫低你嘅願望掛上去添，我梗係都唔執輸，寫番個願望先。湯底方面足足有七個選擇，我哋揀咗個Sukiyaki壽喜燒甜醬油湯底，超正呀！如果想試多個湯底，加$18就可以有雙味湯底啦！到時可以mix埋其他，例如：北海道3.7牛乳牛骨湯、 味噌芝麻豆乳湯等。鍾意食肉嘅我真係啱晒，有美國極上安格斯牛小排、特級美國穀飼牛、美國進口牛肉、美國自然豚肉片、雞肉、一口牛柳粒，無限量供應啊！啲牛肉仲要好新鮮好嫩滑，雪花紋整齊排列，每一口都有好香嘅牛味。個staff仲好細心話我知，點番啲日式麻醬會更加好味，果然無介紹錯。刺身款式有好多，有鮑片、榮螺、 馬刀貝、八爪魚、大北寄貝、希靈魚、吞拿魚、劍魚、象拔蚌、三文魚、油甘魚、甜蝦櫻花魷魚，同埋我至愛嘅帶子。刺身都好新鮮，完全食出
日式放題真係我至愛，今次搵到荃灣呢間又多嘢食，價錢又抵嘅日式放題，點可以唔同大家開心share呢? 極上安格斯牛小排放題都係$238，美國極上安格斯牛小排、 特級美國穀飼牛、 美國進口牛肉、炸物、美國自然豚肉片、雞肉、刺身任食，仲有雪糕甜品添！
去到餐廳門口，掛滿晒繪馬，好似去左日本神社咁，好有日本feel。
餐廳仲有唔同嘅顏色筆比你畫繪馬，寫低你嘅願望掛上去添，我梗係都唔執輸，寫番個願望先。
11 views
0 likes
0 comments
湯底方面足足有七個選擇，我哋揀咗個Sukiyaki壽喜燒甜醬油湯底，超正呀！如果想試多個湯底，加$18就可以有雙味湯底啦！到時可以mix埋其他，例如：北海道3.7牛乳牛骨湯、 味噌芝麻豆乳湯等。
鍾意食肉嘅我真係啱晒，有美國極上安格斯牛小排、特級美國穀飼牛、美國進口牛肉、美國自然豚肉片、雞肉、一口牛柳粒，無限量供應啊！啲牛肉仲要好新鮮好嫩滑，雪花紋整齊排列，每一口都有好香嘅牛味。個staff仲好細心話我知，點番啲日式麻醬會更加好味，果然無介紹錯。
刺身
18 views
0 likes
0 comments
刺身款式有好多，有鮑片、榮螺、 馬刀貝、八爪魚、大北寄貝、希靈魚、吞拿魚、劍魚、象拔蚌、三文魚、油甘魚、甜蝦櫻花魷魚，同埋我至愛嘅帶子。刺身都好新鮮，完全食出鮮味！
花膠，蝦滑，墨魚滑
21 views
0 likes
0 comments
惠顧任何套餐仲可以點灣仔碼頭水餃，而水餃都有好多唔同嘅口味， 有白菜豬肉餃、 西洋菜豬肉餃、韭菜豬肉餃、豆苗豬肉水餃 同粟米豬肉水餃。仲要要新鮮爽口嘅蝦滑同埋墨魚滑，超彈牙呀。 最估唔到嘅竟然仲有花膠，滋補養顏，絕對係女士嘅恩物， 我都忍唔住點完再點。
食得火鍋又點少得飲品呢，呢間餐廳有好多唔同款式嘅飲品，飲完一款又可以飲第二款。食完火鍋仲可以飲番杯熱嘅綠茶消滯一下添。
呢間餐廳唔單止有得食，仲要有得玩添 ，自助吧有個天婦羅專區，可以畀客人自行揀選心水食物，然後自行沾上炸漿同米糠，擺入爐入面炸成天婦羅，大人小朋友都啱玩。牆上仲有好清晰嘅指示牌教你點做，絕對唔使擔心唔識整。
食完肉梗係要有啲蔬菜落下肚啦，蔬菜款式 包羅萬有，保證食到你飽一飽。
11 views
0 likes
0 comments
食完火鍋仲要有雪條做甜品添，雪櫃入面有韓國雪條同埋雪米糍。嗱...嗱...嗱...唔好以為咁就完喇，埋完單之後仲有驚喜，原來仲有靚靚牌子雪糕等住你，有Dreyers 開心果味，Haagendazs 士多啤梨味或者雪糕之王嘅 Movenpick 朱古力味，任擇其一！
今餐真係又好玩又好食，下次食放題一定要再黎過。
Post
