麻酸樂米線專門店 (青海圍) (Closed)

雖然最近熱熱地，但係我真係好鍾意打邊爐，就連依家食米線嘅地方都開始有得打邊爐啦，而且仲有最流行嘅雞煲添。今次我嚟到麻酸樂就叫左一個養生杞子紅棗雞煲，真係聽個名都知道夠晒補啦，所以成日話除咗女人要補男人都要補。呢個餐睇落去好似有啲偏貴，但係其實原來好足料。落左單之後侍應就好快攞咗個煲上枱啦，上菜嘅速度真係神速。當個煲滾滾地嘅時候，我就已經聞到藥材既飄香等左幾分鐘期待已久嘅雞煲食得啦，一打開個蓋真係嚇咗一跳，好足料啊啊啊，差唔多有成半隻雞，分量多不在話下，而且雞肉鮮嫩，又爽口，又夠晒入味連啲配菜都唔輸蝕，食材好新鮮，而且米線都好多，足夠晒兩個人嘅份量，所以我覺得呢個價錢一啲都唔貴滑牛肉鮮嫩爽口，啲雞柳都好鮮嫩而且冇雪藏嘅味道。原來個套餐仲包左一款小食，腐皮蝦滑，裏面真係有蝦嫁，而且新鮮炸起，外層好脆，內裏香甜。