鴻師傅 (Closed)

喺附近上堂之前食個下午茶，網上見到呢個餐廳叉燒唔錯，而下午茶價錢亦同其他茶餐廳差不多。餐廳喺東廣場嘅商場入邊，成個商場都係食肆，大部份都係小店，呢一間算係最大嘅其中一間，左邊係泰式右邊係中式燒味。先係櫃檯俾錢然後聽號碼自己去攞嘢食，快餐店嘅安排。迷你飽汁叉燒飯（$38），4片叉燒，都係瘦叉燒，飽汁味道偏淡，可能係收叉燒嘅原因，肉質比較韌，小小‘鞋’口，水準真係一般，同預期差好遠。脆皮燒腩軟法包反而抵食夾大件，有兩片脆皮燒腩，上枱時仍然脆，燒腩肉比較肥，但味道都可以，但以呢個價錢（$25）都算幾抵。