樂怡餅屋 (Closed)

提起粉嶺嘅「樂怡餅屋」，好多人第一時間諗起佢哋啲3D立體蛋糕，造型唯肖唯妙，不過，今晚食到嘅就唔喺3D立體蛋糕喇，只喺港式嘅經典鮮果忌廉蛋糕。事緣相隔近兩近，三幾個舊同事約埋家聚，飯後食個蛋糕作甜點。 外觀就真喺好傳統嘅款式，外圍唧滿忌廉，但睇得見手功都好細緻，而面頭就鋪滿生果，有哈蜜瓜、士多啤梨、水蜜桃、菠蘿及奇異果，件件都好大件，交足貨，無欺場。 啲生果故然都好香甜，而海綿蛋糕做得非常鬆軟，裡面亦塞滿雜果，所以，食起嚟都好清爽；忌廉打得好柔滑，當然，怕肥嘅人就怕怕哋，唔怕嘅就覺得口感軟滑並充滿奶香。 老實講，今次唔喺咩特別嘅款式，或新奇嘅口味，只喺好普普通通嘅鮮果忌廉蛋糕，好多街坊餅店都有賣，但對我哋一班中佬、中女，喺一份懷舊味、喺一份回憶，祝願大家友誼永固。