Video
Read full review
2016-09-30
3539 views
友人C的一頓生日飯左揀右揀之後決定了這家地點較為吊腳的豪宅樓下西餐廳,而這店亦明白要吸引客人來的唯一理由是有平野食(起碼有一樣做賣點,只要座低就有生意做嘅道理!) 我們也是被10蚊蠔吸引來的客人之一, 橋係舊但客人會受!聽講呢間店又係某TVB男藝人開的!店內座位不多大概是兩張或者是頂多三張四人枱, 不過店的一半是戶外無冷氣的露天茶座, 即是有可吸煙座位吧, 這樣有利也有幣,香港人習慣冷氣, 無冷氣唔座, 有機會落雨亦會影響客人就座, 有煙味的狹小空間也不想座, 但就這晚明月當空晚上溫度28-29度左右的情況來看, 似乎露天位也相當受歡迎, 講番食物: 10蚊蠔是好像說是愛爾蘭那邊的蠔, 尺碼不小起碼比一些自助餐見到的澳洲蠔大隻, 蠔肉夠爽, 叫咗兩打只有一,兩隻比較無咁新鮮之外,這蠔海水味濃且多, 不過配檸檬汁吃還可以的, 另一個蘸汁的茄醬就比較多酒的成份, 要睇番客人對酒味有否抗拒而定了, 同時我們預留了一客泰式生蝦刺身$148,好耐無食呢個刺身了, 蘸汁有辣但可以接受, 蝦肉好新鮮夠膠質, 好懷念呢種口感,呢晚食咗兩隻結果係無肚痛, 非常之好味下次有機會再試!小食方面我們要了水牛城
店內座位不多大概是兩張或者是頂多三張四人枱, 不過店的一半是戶外無冷氣的露天茶座, 即是有可吸煙座位吧, 這樣有利也有幣,
香港人習慣冷氣, 無冷氣唔座, 有機會落雨亦會影響客人就座, 有煙味的狹小空間也不想座, 但就這晚明月當空晚上溫度28-29度左右的情況來看, 似乎露天位也相當受歡迎,
講番食物: 10蚊蠔是好像說是愛爾蘭那邊的蠔, 尺碼不小起碼比一些自助餐見到的澳洲蠔大隻, 蠔肉夠爽, 叫咗兩打只有一,兩隻比較無咁新鮮之外,
這蠔海水味濃且多, 不過配檸檬汁吃還可以的, 另一個蘸汁的茄醬就比較多酒的成份, 要睇番客人對酒味有否抗拒而定了, 同時我們預留了一客泰式生蝦刺身$148,好耐無食呢個刺身了, 蘸汁有辣但可以接受, 蝦肉好新鮮夠膠質, 好懷念呢種口感,呢晚食咗兩隻結果係無肚痛, 非常之好味下次有機會再試!
小食方面我們要了水牛城雞翼一碟8只旁邊加一小堆雜菜沙拉$98, 擺設上是ok精美的, 雞翼面的醬汁有少辣, 肉質唔算嚡, 另一個是啤酒漿炸薯條$65,
薯條是類似麥記薯條粗度, 只是外層被薄薄一層啤酒脆漿包裹住, 新觧炸起食係會不停伸手去拿來吃的, 炸漿已下了味所以有無茄汁蘸都可以吃, 極之邪惡的小食,
巴馬火腿菠菜沙律$78 唔算貴但沒有是全菠菜而是雜菜沙律, 巴馬火腿是C君喜好食物之一, 幸好巴馬火腿薄片也不少完全夠4人吃的份量, 自己不是這種火腿的粉絲無法判斷是好還是普通貨色, 總之唔太咸同乾就已經可以接受了, 這個屬於不錯的吧! 以這個價位作比較的話!
主菜有牛- 12安士肉眼扒$348, 要求4成熟又做到出來喎! 有驚喜的一次牛扒經驗, 好多時一落刀就會知道幾多成熟, 雖然這塊牛扒面積比我們估計的大但厚度就不足一吋了, 重量應該是足夠的, 面的焦燶位好有炭燒香氣, 太座大喜, 黑椒汁份量雖不多但足夠食完個扒, 伴碟配菜兩片黃色意大利青瓜輕輕烤上條紋/ 新薯開邊烤至一層微硬薄脆焦皮/ 一件西蘭花& 一件椰菜花, 全部伴菜睇得出好有心機處理過同悉心擺設上碟, 所以有時候有心做同缺乏誠意快餐式製作客人是心裡有数的,
另一個主菜是燒美國黑毛豬架配啤梨蘋果醬$298, 件豬架好厚身, 燒的熟成度算係剛好, 切開件豬扒內還軾微見粉紅色, 燒的師傅見真功夫吧, 肉質的豬味唔算濃, 淡白色的啤梨蘋果醬做得好自然之餘又保持到個醬嘅色在白色實在難得,抵讚一下! 另一個稍稍甜口嘅紅色醬汁同樣跟豬扒很匹配,
服務方面,我們沒有叫酒但服務生也不停為我們斟水, 廚房起菜速度也很正常,這店還做會員制,
以平日優惠折扣吸引顧客在平日來光顧, 老闆招徠有術難怪在短短時間裡可以開分店
10蚊蠔
$120
301 views
0 likes
0 comments
泰式生蝦刺身
$148
216 views
0 likes
0 comments
啤酒漿炸薯條
$65
139 views
0 likes
0 comments
水牛城雞翼
$98
122 views
0 likes
0 comments
巴馬火腿菠菜沙律
$78
109 views
0 likes
0 comments
12安士肉眼扒
$348
98 views
0 likes
0 comments
眼扒
74 views
0 likes
0 comments
燒美國黑毛豬架配啤梨蘋果醬
$298
84 views
0 likes
0 comments
Post
