標記樂園潮州粉麵 (Closed)

2007年3月31日星期六。看完森冤，去了標記樂園牛丸大王。兩個人想叫拼盤，可以食多幾樣，但拼盤中沒有滷水鵝，看到餐牌上寫著“拼盤不能加鵝片”但又有另一句“加滷水鵝——加$10”，不明所以，我們覺得可能鵝件可以，鵝片不可以。叫來的夥記惡形惡相，一開口就粗聲粗氣，“拼盤唔可以加鵝片呀！！”都唔想同佢講多句。費事最後都係一肚氣。另外又叫了個滑蛋蝦仁炒飯和一個菜芯全走。個乞人憎夥記又粗聲粗氣話“碟菜要收你10蚊呀下！！”（因為我們食潮洲菜，如果食粉麵只要$5便有菜）（多不公平！）我好想走架，係另一半勸我唔好為呢D粗人勞氣我才把飯吃完。潮洲拼盤：墨魚、生腸、紅腸、大腸等，紅腸唔得。生腸我唔食，其他OK。滑蛋蝦仁炒飯：算幾好食。無論D幾好食，要我咁受氣，以後唔使我再。