Video
Read full review
2008-12-04
38 views
下午茶時間行過花園街，經過呢間我哋未幫襯過嘅麪舖，佢個樣有啲舊，門口有好多種類嘅麪賣，兼好多人買麪番屋企話用嚟打邊爐，唔通真係好正？就決定即刻入去食個下午茶嘞！以為佢係賣雲吞麪之類嘅，原來越南嘢先係主力！店入面都唔少食客，一貫嘅麪舖格局，地下都幾污糟，啲嘢亦放得亂七八糟。求其搭枱搵咗兩個位，一望餐牌，嘩！咩嚟架？咁亂嘅，睇咗一陣先明佢寫乜，都係唔翻來覆去研究嘞，是旦見佢牆上寫啲咩推介就諗嗰啲啦！我哋叫咗： 鮮茄牛腩波菜麵：見佢將呢個麪掛喺最前排，字體亦大大隻，穩陣啲就要呢個嘞！個麪一上枱只係見到一片紅色杰撻撻，全部係新鮮蕃茄。菠菜麪好幼亦夠爽滑但係唔彈牙，有啲似喺超市買過嘅台灣出口麪，牛腩都算炆得淋，應該淨食會好味啲！成碗麪嘅味道配搭得十分古怪，蕃茄味太濃太嗆，冚晒啲牛腩應該有嘅味道，一啲都唔夾！ 泡菜酸辣芝麻麪加韮菜餃：又係大大隻字推介嘅麪，芝麻麪質感一般，一啲都食唔出芝麻味，同普通嘅幼麵差不多，泡菜浸咗湯之後又係好古怪，唔知點形容，總之乾身好食好多啦！韮菜餃多菜少肉，味道就唔錯！成碗麪嘅味道雖然都係怪怪地，但總好過碗蕃茄麪！ 秘制炸豬扒：啱啱炸起都算幾好味，肉質鬆軟兼有肉汁唔會
下午茶時間行過花園街，經過呢間我哋未幫襯過嘅麪舖，佢個樣有啲舊，門口有好多種類嘅麪賣，兼好多人買麪番屋企話用嚟打邊爐，唔通真係好正？就決定即刻入去食個下午茶嘞！以為佢係賣雲吞麪之類嘅，原來越南嘢先係主力！店入面都唔少食客，一貫嘅麪舖格局，地下都幾污糟，啲嘢亦放得亂七八糟。求其搭枱搵咗兩個位，一望餐牌，嘩！咩嚟架？咁亂嘅，睇咗一陣先明佢寫乜，都係唔翻來覆去研究嘞，是旦見佢牆上寫啲咩推介就諗嗰啲啦！我哋叫咗：
鮮茄牛腩波菜麵：見佢將呢個麪掛喺最前排，字體亦大大隻，穩陣啲就要呢個嘞！個麪一上枱只係見到一片紅色杰撻撻，全部係新鮮蕃茄。菠菜麪好幼亦夠爽滑但係唔彈牙，有啲似喺超市買過嘅台灣出口麪，牛腩都算炆得淋，應該淨食會好味啲！成碗麪嘅味道配搭得十分古怪，蕃茄味太濃太嗆，冚晒啲牛腩應該有嘅味道，一啲都唔夾！
泡菜酸辣芝麻麪加韮菜餃：又係大大隻字推介嘅麪，芝麻麪質感一般，一啲都食唔出芝麻味，同普通嘅幼麵差不多，泡菜浸咗湯之後又係好古怪，唔知點形容，總之乾身好食好多啦！韮菜餃多菜少肉，味道就唔錯！成碗麪嘅味道雖然都係怪怪地，但總好過碗蕃茄麪！
秘制炸豬扒：啱啱炸起都算幾好味，肉質鬆軟兼有肉汁唔會乾掙掙，可以一食！
炸椰菜餃：真係未食過椰菜餃所以叫個嚟試吓！椰菜餡應該係包之前已經炒過，有淡淡油香，餡料都幾充實，點豆板醬好惹味，成餐最好食係佢嘞！
凍鴛鴦：出呼意料之外嘅香濃，心理上補償咗之前食到嘅怪嘢！
食完都唔覺得係越南菜喎，又有泡菜，又有牛腩，真係古怪！
Post
