Video
Read full review
2022-12-04
295 views
前菜STARTERS| Edamame - Steamed, sea salt毛豆表面鋪上海鹽，食落清新開胃，而且份量好多，同朋友一邊傾計一邊食一流~| Crispy tofu salad - Red onion ponzu, cucumber puree豆腐炸得好香脆，豆腐外脆內嫩，配合埋紅蔥頭絲、醋、青瓜醬，清新香口~| Wagyu tataki - Chorizo oil, Asahi tosazu,crispy quinoa, chives日式火炙生牛肉上面舖上香蔥、脆藜麥，生牛肉外邊輕輕燒到好焦脆，食落肉身好鲜嫩柔軟，醬汁甜甜地，完全唔會有生肉腥味！廚師精選卷物 Chef's choice of maki| Spicy Tuna Crunch Maki & Spicy Desu Maki兩卷卷物賣相好鮮艷吸引，一款係吞拿魚配牛油果，另一款係炸蝦配蟹子，兩款都各有特色，餡料滿港，食落好rich，炸蝦香脆，辣味唔太突出，所以唔使驚會好辣~天婦羅 TEMPURA| Soft shell crab tempura - green chilli mayo, mizuna軟殼蟹天婦羅炸得
| Edamame - Steamed, sea salt
毛豆表面鋪上海鹽，食落清新開胃，而且份量好多，同朋友一邊傾計一邊食一流~
| Crispy tofu salad - Red onion ponzu, cucumber puree
豆腐炸得好香脆，豆腐外脆內嫩，配合埋紅蔥頭絲、醋、青瓜醬，清新香口~
| Wagyu tataki - Chorizo oil, Asahi tosazu,
crispy quinoa, chives
日式火炙生牛肉上面舖上香蔥、脆藜麥，生牛肉外邊輕輕燒到好焦脆，食落肉身好鲜嫩柔軟，醬汁甜甜地，完全唔會有生肉腥味！
廚師精選卷物 Chef's choice of maki
| Spicy Tuna Crunch Maki & Spicy Desu Maki
兩卷卷物賣相好鮮艷吸引，一款係吞拿魚配牛油果，另一款係炸蝦配蟹子，兩款都各有特色，餡料滿港，食落好rich，炸蝦香脆，辣味唔太突出，所以唔使驚會好辣~
天婦羅 TEMPURA
| Soft shell crab tempura - green chilli mayo, mizuna
軟殼蟹天婦羅炸得十分脆之餘，軟殼蟹肉身仲要比起出面的更多肉，而且咬落入面係有少少肉汁，加埋辣蛋黃醬真係好惹味~
| Corn tempura - sweet corn, Japanese saffron
呢個粟米粒天婦羅幾特別，表面有少少藏紅花幼絲，咬落香脆，而且粟米粒非常之甜，仲要大大塊，完全冇油膩感覺！
主菜 MAIN COURSE
| Hamachi kama - Salt-grilled hamachi collar, charred lime
呢個烤魚頭下巴真係比100分佢！首先size真係好誇張，有1.5-2隻手掌咁大，魚的外皮鹽烤十分香脆，一夾會裂開嘅聲音，魚頭同下巴原來係可以咁多肉，魚肉能夠保持到有肉汁同嫩滑，仲有每啖魚肉都會伴隨着魚油香，完全冇腥味，真係必試推介！
| Waygu Kamameshi (Iron Pot Rice) - Beef tenderloin, onsen egg, truffle-soy
又係呢一個推介！必食！一上格賣相已經好吸引，店員會負責攪拌均勻，然後先比客人享用。飯上面鋪滿牛柳粒、勁多香蔥同其他伴料，仲有邪惡溫泉蛋系中間，睇到同聞落已經流哂口水，食落熱辣辣係有幸福嘅感覺~每粒飯都有松露醬汁同蛋汁包圈住，加埋牛柳味和滿滿香蔥，份量又大好正！
甜品 DESSERT
| Matcha lava - Roasted white chocolate, vanilla ice cream, soba cracker
甜品有日式抹茶熔岩蛋糕，焗得外殼好脆，心太軟嘅感覺，另外會有一隻餅乾比你點埋抹茶熔岩食，好邪惡，另外仲配埋冰凍雲呢拿雪糕，非常冰凍解膩，好滿足！
店內環境及設計 ENVIRONMENT & DESIGN
| 入坐後覺得餐廳裝修都幾特別，好有古典風，環境同燈光營造昏暗感覺，亦都有少少畫掛系牆上欣賞，而且每枱都有個小小蠟燭，幾有氣氛，整體感覺好舒服~
Post
