Video
Read full review
2022-02-24
2291 views
週四下晝 5 時。當多數人 wfh 嘅時候我竟然出現喺中環街頭。其實唔係肚餓，但因為政府玩咗 6 點唔俾入店堂食已經有一段時間，所以有個藉口俾自己提早食個“晚飯”。我唔係中環友，所以永樂園都只係去過一兩次。落到去見全場得四五張枱有人。睇咗餐牌，研究一輪最後都係叫咗個貌似鎮店之寶咁嘅熱狗套餐。$39+$3 凍飲。好快包到。本來無期望，原來都可以失望。個包size正常，起碼大過IKEA個隻，笑。質感幾好，外層真係似麵包，入面熱嘅都鬆軟。啲黃色醬幾好味，傳統港式熱狗嘅味道。港式熱狗係只得一條香腸同一劈醬，冇菜，冇瓜。講返條腸，中指咁大咁長咁粗，你接唔接受到？你滿唔滿足到？咁嘅熱狗咁嘅價錢，睇返食評咁多人讚好真係有啲不可思議。香港人係唔係未食過正常熱狗？定係覺得一間望落去好有歷史嘅餐廳嘅食物就一定比返啲同情分？
當多數人 wfh 嘅時候我竟然出現喺中環街頭。
其實唔係肚餓，但因為政府玩咗 6 點唔俾入店堂食已經有一段時間，所以有個藉口俾自己提早食個“晚飯”。
我唔係中環友，所以永樂園都只係去過一兩次。落到去見全場得四五張枱有人。
睇咗餐牌，研究一輪最後都係叫咗個貌似鎮店之寶咁嘅熱狗套餐。$39+$3 凍飲。
好快包到。
本來無期望，原來都可以失望。
個包size正常，起碼大過IKEA個隻，笑。質感幾好，外層真係似麵包，入面熱嘅都鬆軟。
啲黃色醬幾好味，傳統港式熱狗嘅味道。港式熱狗係只得一條香腸同一劈醬，冇菜，冇瓜。
講返條腸，中指咁大咁長咁粗，你接唔接受到？你滿唔滿足到？
熱狗餐
$42
162 views
0 likes
0 comments
咁嘅熱狗咁嘅價錢，睇返食評咁多人讚好真係有啲不可思議。香港人係唔係未食過正常熱狗？定係覺得一間望落去好有歷史嘅餐廳嘅食物就一定比返啲同情分？
Post
