The Story Cafe and Bakery

Open Now

Now Closed

其實如果唔係dusty kid都唔會過黎食。先講環境，呢度真係佈置得好靚，主色調係淺藍、海洋系列，天花、牆壁有好多海洋生物，而餐牌嘅設計、餐具、食物等等都有好多海洋嘅元素。當然唔少得係阿塵既作品同埋不少勵志嘅句子，絕對是dusty kid fans既天地。食物方面，聽聞主菜是不錯的，不過今次我食完飯先黎，所以只係試咗呢度既甜品。- 藍海慕絲（前）/ 大堡焦（後）呢兩個都係真正嘅好睇唔好食，其實只係兩層布甸，味道有點怪怪的，口感就是布甸一陣風似的。吃了一口，唔。- 鮮果叢林呢個係用pancake皮捲住生果、吉士同cream整成既甜品。Pancake皮比較乾同硬，無咩味道，而生果嘅數量真係好少，主要都係食皮同cream。總括來講，可能呢度既主菜可能好好食，不過甜品真係不敢苟同。而且甜品有少許overpriced，雖然我明白漂亮既裝修同阿塵都佔左成本既一部份，但是我覺得作為一間餐廳，基本嘅食物質素還是需要的。