小時光 (Closed)

呢間Cafe嘅賣點就係令食客重拾返學嘅感覺。裏面唔同嘅角落都有「課室」、「訓導室」、「留堂室」既指示牌，彷彿你就係間中學入面，感覺新鮮。連食用嘅筷子都好似顏色筆咁，雖然有啲唔慣，但都幾特別。每張枱下面都有個櫃桶，就好似你中小學時上堂用嘅枱咁，但望落都幾污糟，所以都係當裝飾，唔會真係擺嘢入去。講到食物嘅質素，好老實，真係好一般。啲鹽酥豬扒比較乾，而且麵粉皮比較多，食唔到豬扒嘅香味以及佢嘅質感。啲飯都比較硬，食到一半已經唔想再食。總括而言，呢間台灣咖啡室嘅內部裝修確實特別，我都好欣賞創辦人嘅創意。但假如食品嘅質素有改善，相信定會更多人光顧。值得一試，但不會再試。