漁記大閘蟹專門店

Open Now

Now Closed

秋風起，又係時候食大閘蟹啦！今日放工去咗買大閘蟹外賣返屋企慢慢嘆～同事介紹我去元朗呢間漁記大閘蟹專門店，標明爆膏大閘蟹，價錢都幾抵，有啲仲買五送一、買十送二，如果買得多嘅話真係超抵！！店員好細心咁教蒸大閘蟹步驟，又會好貼心咁奉上一張蒸蟹方法，咁就唔怕唔記得啦～另外再送埋紫蘇葉、蟹醋、食蟹工具等等，樣樣都齊晒，唔使自己另外再買，大讚！最後買咗三隻大閘蟹公，一隻大閘蟹乸，返到屋企啲蟹仲郁緊，夠哂生猛！將大閘蟹反轉再放紫蘇葉蒸20分鐘就食得～隻隻金黃肥美，爆膏超香濃，入口啖啖甘香，蟹黃豐腴，連蟹腳既肉都好鮮甜，真係超滿足！