俺流亭 (TKO Gateway) (Closed)

假日冇煮飯在屋企附近搵食，撞啱消費券派發首日滿街都是人。提供日式丼飯、拉麵。座位近窗一排卡位比較舒服，其餘就比較逼夾。日式牛肉丼$38餐廳主打款式，和連鎖牛肉飯店相比份量細咗少少，牛肉片唔算好肥，但係有啲乾，牛肉汁唔夠。米飯軟熟不過唔係晶凝通透甘甜那種日本米~蒲燒鰻魚粒丼$48個飯仲細過牛肉丼，鰻魚粒太碎，鰻魚肉質又太冧，感覺好似只吃到醬料、鰻魚汁。器皿邊緣有崩裂，這個也太不小心，非常危險。九州濃厚豚骨湯拉麵$48味道唔算好重，食完都唔算太口渴不過拉麵唔夠熱。煙三文魚野菜沙律三文魚賣相好假，但味道OK唔會好鹹。分量，味道都是非常一般，仲有加一服務費令性價比相對大減