Video
Read full review
2022-09-21
329 views
第一次寫食評，真係好嬲，可能講得無咁好，請見諒。🙏🏻今日有兩個鐘放lunch，本身諗住去附近買少少野食算。見到咁啱有韓國嘢，又平平地，就落單叫咗9個餐。係出面門口等到大概30分鐘左右，都未見有餐拎出嚟，就係門口吹咗下，就話等陣，仲整緊。等到第45分鐘果陣，真係忍唔住，3個人行入去望住佢哋整，先見到佢哋慢慢咁將啲餐拎出嚟，唔知係啱啱好先整完定點。啲侍應係見到我哋係咁係入面吹佢哋出餐，先肯慢慢咁將呢9個餐pack好。前前後後足足用咗60分鐘，先將啲餐送上我哋手上，搞到我哋由2個鐘嘅lunch得返唔多1個鐘。發誓我哋將啲餐由間餐廳拎返去我哋食嘅地方唔夠10分鐘，但當我哋打開晒啲麵/飯果陣，真係好驚嚇。 啲冷麵同啲炸醬麵係已經變成一舊咁，想撈都撈唔到，唔誇張，真係整斷咗支木筷子，都撈唔勻。啲本身有湯嘅拉麵我哋打開果陣係完全完全無晒啲湯，啲麵又脹晒，試問如果啱啱整好，短短嘅唔夠10分鐘，會唔會令成碗麵一啲湯都無？同埋我哋見間餐廳門口有寫話每4個餐送泡菜/海鮮煎餅一份，所以我哋9個餐就各叫咗一份。首先，個泡菜煎餅係酸到好似倒咗成樽醋咁，唔知啲泡菜到達放咗幾耐。而個海鮮煎餅就無味道，係完全無味道，得
今日有兩個鐘放lunch，本身諗住去附近買少少野食算。見到咁啱有韓國嘢，又平平地，就落單叫咗9個餐。
係出面門口等到大概30分鐘左右，都未見有餐拎出嚟，就係門口吹咗下，就話等陣，仲整緊。等到第45分鐘果陣，真係忍唔住，3個人行入去望住佢哋整，先見到佢哋慢慢咁將啲餐拎出嚟，唔知係啱啱好先整完定點。啲侍應係見到我哋係咁係入面吹佢哋出餐，先肯慢慢咁將呢9個餐pack好。前前後後足足用咗60分鐘，先將啲餐送上我哋手上，搞到我哋由2個鐘嘅lunch得返唔多1個鐘。
發誓我哋將啲餐由間餐廳拎返去我哋食嘅地方唔夠10分鐘，但當我哋打開晒啲麵/飯果陣，真係好驚嚇。 啲冷麵同啲炸醬麵係已經變成一舊咁，想撈都撈唔到，唔誇張，真係整斷咗支木筷子，都撈唔勻。啲本身有湯嘅拉麵我哋打開果陣係完全完全無晒啲湯，啲麵又脹晒，試問如果啱啱整好，短短嘅唔夠10分鐘，會唔會令成碗麵一啲湯都無？
同埋我哋見間餐廳門口有寫話每4個餐送泡菜/海鮮煎餅一份，所以我哋9個餐就各叫咗一份。首先，個泡菜煎餅係酸到好似倒咗成樽醋咁，唔知啲泡菜到達放咗幾耐。而個海鮮煎餅就無味道，係完全無味道，得少少鹹味。
到飲品方面，正正常常咁。不過唔明白點解啲凍飲無一杯有冰，後尾先發現有落到，不過全部溶晒。都係果句，10分鐘路程點會令所有冰一次過溶晒？
唔通間餐廳真係要60分鐘先整到9個外賣餐？好明顯，啲餐其實一早整好晒，只係唔知點解係要60分鐘先肯幫我哋裝袋，服務態度非常差。
一個字，伏。服務又係，食物質素都係
Post